தெலுங்கானா, 11 ஜூன் (ஹி.ச.)

கவிதா தொடங்க உள்ள புதிய அரசியல் கட்சியான “தெலுங்கானா ரக்ஷண சேனா” (டிஆர்எஸ்) என்ற பெயருக்கு எதிராக பல்வேறு தரப்பிலிருந்து எதிர்ப்புகள் எழுந்துள்ளன.

இதனால் கட்சிப் பெயர் பதிவு விவகாரம் தற்போது சர்ச்சையாக மாறியுள்ளது.

முன்னாள் பெயரான “டிஆர்எஸ்” என்பது தங்களது அரசியல் வரலாற்று அடையாளம் எனக் கூறி, பாரத் ராஷ்ட்ர சமிதி (BRS) கட்சி கடும் எதிர்ப்பு தெரிவித்துள்ளது.

அந்தப் பெயர் தெலுங்கானா போராட்ட காலத்திலிருந்து மக்கள் மனதில் ஆழமாக பதிந்துள்ளது என்றும், அதனை வேறு அமைப்பிற்கு வழங்கக்கூடாது என்றும் வலியுறுத்தி எலக்சன் கமிஷன் ஆப் இந்தியாக்கு புகார் அளித்துள்ளது.

மேலும், மகாராஷ்டிரா மாநிலம் சோலாப்பூரைச் சேர்ந்த ஒரு அமைப்பும் “டிஆர்எஸ்” பெயருக்காக முன்பே விண்ணப்பித்துள்ளதாக தகவல் வெளியாகியுள்ளது.

இதனால் பெயர் உரிமை விவகாரம் மேலும் சிக்கலாகியுள்ளது.

அதேபோல், சுமார் 600 முதல் 700 வரை பொதுமக்கள் இந்த பெயருக்கு எதிராக தேர்தல் ஆணையத்தில் ஆட்சேபனை மனுக்கள் தாக்கல் செய்துள்ளதாகவும் கூறப்படுகிறது.

மேலும், ஏற்கனவே பதிவுசெய்யப்பட்ட “தெலுங்கானா ராஜ்ய சமிதி” என்ற அமைப்பும் “டிஆர்எஸ்” சுருக்கப் பெயரை பயன்படுத்துவதற்கு எதிர்ப்பு தெரிவித்துள்ளது.

இந்த நிலையில், கவிதாவின் பிரதிநிதிகள் விரைவில் தேர்தல் ஆணையத்தை சந்தித்து தங்கள் தரப்பு விளக்கங்களை வழங்க உள்ளனர்.

ஒரே பெயருக்கு பல்வேறு தரப்பிலிருந்து எதிர்ப்புகள் எழுந்துள்ளதால், புதிய கட்சிப் பெயர் இறுதி செய்யப்படுமா அல்லது மாற்றப்படுமா என்பது அரசியல் வட்டாரத்தில் பெரும் எதிர்பார்ப்பை ஏற்படுத்தியுள்ளது.

Hindusthan Samachar / M.DEEPAK RAJA