உத்தரகண்ட், 12 ஜூன் (ஹி.ச.)

உத்தரகண்ட் மாநிலத்தில் சார் தாமின் நான்கு கோயில்களான யமுனோத்ரி, கங்கோத்ரி, கேதார்நாத் மற்றும் பத்ரிநாத் ஆகியவை ஏப்ரல் 2026-ல் மீண்டும் திறக்கப்பட்டன. ஏப்ரல் 22 அன்று பல ஆலயங்களில் சடங்குகளுடன் யாத்திரை முறைப்படி தொடங்கியது.

கேதார்நாத் கோயிலுக்கான வருடாந்திர யாத்திரை, ஓம்காரேஸ்வர் கோயிலில் உள்ள குளிர்கால இருப்பிடத்தில் இருந்து பகவான் கேதார்நாத்தின் பஞ்சமுகி பல்லக்கு புறப்படும் சடங்குடன் தொடங்கியது.

சார் தாம் யாத்திரை நடைபெற்று வரும் நிலையில், உத்தரகண்ட் போக்குவரத்துத் துறை அதிகாரிகள் இன்று கேதார்நாத் யாத்திரை பாதையில் வாகன ஆய்வு மேற்கொண்டனர்.

வாகன அனுமதிச் சான்றிதழ்கள், பயணிகள் எண்ணிக்கை மற்றும் கட்டாய ஆவணங்கள் முறையாக பின்பற்றப்படுகிறதா என அதிகாரிகள் சரிபார்த்தனர்.

இதுகுறித்து உதவி பிராந்திய போக்குவரத்து அலுவலர் தர்மேந்திர சிங் பிஷ்ட் செய்தியாளர்களிடம் கூறுகையில்,

ஏப்ரல் மாதம் முதல் இன்று வரை ஒழுங்குமுறை விதிகளை உறுதிப்படுத்த கடுமையான சோதனைகளை நடத்தி வருகிறோம். ஏப்ரல் முதல் இதுவரை விதி மீறல்களில் ஈடுபட்டவர்களுக்கு 539 சலான்கள் வழங்கி சுமார் ரூ.30.5 லட்சம் வருவாய் ஈட்டியுள்ளது. மேலும், மே மாதத்தில் மட்டும் அதிகாரிகள் 1,140 சலான்கள் வழங்கி, சுமார் ரூ.12.5 லட்சம் வருவாய் வசூலித்துள்ளனர் என்றார்.

முன்னதாக, ரிஷிகேஷில் உள்ள சார் தாம் யாத்திரை இடைநிலை முகாமில் பாதுகாப்பு ஏற்பாடுகளை மதிப்பிடவும் மேம்படுத்தவும் பாதுகாப்புப் படையினர் ஒத்திகை நடத்தினர்.

வட்ட அலுவலர் துஷார் போரா தெரிவிக்கையில், பயங்கரவாத எதிர்ப்புப் படை, மாநில பேரிடர் மீட்புப் படை, தீயணைப்புத் துறை மற்றும் உள்ளூர் காவல்துறை இணைந்து நடத்திய ஒருங்கிணைந்த ஒத்திகையின்போது, ஒரு பயங்கரவாதி காயமடைந்து மருத்துவமனையில் அனுமதிக்கப்பட்டார். மூன்று பணயக்கைதிகள் பத்திரமாக மீட்கப்பட்டனர் என்றார்.

Hindusthan Samachar / vidya.b