சென்னை, 13 ஜூன் (ஹி.ச)

தமிழ் திரைப்பட உலகின் முன்னணி இயக்குநரான பாரதிராஜா அவர்களின் மறைவுக்கு பிரதமர் நரேந்திர மோடி ஆழ்ந்த இரங்கல் தெரிவித்துள்ளார்.

பாரதிராஜாவின் மனைவி சந்திரலீலாவுக்கு அனுப்பிய இரங்கல் கடிதத்தில்,

அவரது மறைவுச் செய்தியை மிகுந்த துக்கத்துடனும் சோகத்துடனும் பெற்றதாக பிரதமர் குறிப்பிட்டுள்ளார். மேலும், அவரது மறைவு வார்த்தைகளால் விவரிக்க முடியாத, ஈடுசெய்ய முடியாத இழப்பாகும் என்றும் தெரிவித்துள்ளார்.

பாரதிராஜா ஒரு புகழ்பெற்ற திரைப்படப் படைப்பாளி என்றும், தமிழ் சினிமாவில் அவரது படைப்புகள் பல தசாப்தங்களாக பார்வையாளர்களின் இதயங்களை வென்றுள்ளதாகவும் பிரதமர் பாராட்டியுள்ளார்.

குறிப்பாக, கிராமப்புற வாழ்க்கையை இயல்பாகவும் உண்மைத்தன்மையுடனும் திரைப்படங்களில் சித்தரித்த விதம் அவரது படைப்புகளின் தனிச்சிறப்பாக இருந்ததாக கூறியுள்ளார்.

கலை உலகிற்கு அவர் ஆற்றிய பங்களிப்பு என்றும் நினைவுகூரப்படும் என்றும், அவரது குடும்பத்தினர், நண்பர்கள் மற்றும் கோடிக்கணக்கான ரசிகர்கள் அவரை மிகவும் இழப்பார்கள் என்றாலும், அவரது நினைவுகளும் படைப்புகளும் மக்களின் இதயங்களில் என்றென்றும் நிலைத்திருக்கும் என பிரதமர் தெரிவித்துள்ளார்.

இறுதியாக, இந்த துயரமான இழப்பை தாங்கிக்கொள்ள குடும்பத்தினருக்கு வலிமையும் மன உறுதியும் கிடைக்க வேண்டும் எனக் கூறி, தனது ஆழ்ந்த இரங்கலை பிரதமர் மோடி தெரிவித்துள்ளார். “ஓம் சாந்தி” என்றும் அவர் குறிப்பிட்டுள்ளார்.

Hindusthan Samachar / P YUVARAJ