ஆந்திரா , 17 ஜூன் (ஹி.ச.)

ஆந்திரப் பிரதேச அரசியலில் முன்னாள் அமைச்சர் குடிவாடா அமர்நாத் கூறியதாக கூறப்படும் கருத்துகள் தற்போது கடும் சர்ச்சையை ஏற்படுத்தியுள்ளன.

மாநில உள்துறை அமைச்சர் வங்கலப்புடி அனிதாவை குறிவைத்து அவர் பேசியதாக கூறப்படும் கருத்துகள் பெண்களை அவமதிக்கும் வகையில் உள்ளதாக ஆளும் கூட்டணி கட்சிகள் மற்றும் மகளிர் அமைப்புகள் கடும் கண்டனம் தெரிவித்துள்ளன.

இதையடுத்து அமைச்சர் வங்கலப்புடி அனிதா இதுகுறித்து கடும் எதிர்வினை தெரிவித்துள்ளார்.

அரசியல் பெயரில் பெண்களின் மரியாதையை குறைக்கும் வகையில் பேசுபவர்கள் மீது கடும் நடவடிக்கை எடுக்கப்படும் என அவர் எச்சரித்துள்ளார்.

மேலும், இவ்வாறு பேசுவதற்கு முன் தங்களது குடும்பங்களில் பெண்கள் இருப்பதை நினைவில் கொள்ள வேண்டும் என்றும் கூறிய அவர், குடிவாடா அமர்நாத் உடனடியாக மன்னிப்பு கேட்க வேண்டும் என வலியுறுத்தியுள்ளார்.

இந்த விவகாரம் தொடர்பாக ஆளும் கூட்டணி தலைவர்கள் மற்றும் மகளிர் அமைப்புகள் ஒருமித்தமாக கண்டனம் தெரிவித்து வருகின்றன. பெண்களின் கௌரவத்தை பாதிக்கும் வகையிலான பேச்சுகள் ஏற்றுக்கொள்ள முடியாதவை என அவர்கள் தெரிவித்துள்ளனர்.

இதுகுறித்து ஜனசேனா கட்சித் தலைவர் மற்றும் துணை முதல்வர் பவன் கல்யாண் கடும் கண்டனம் தெரிவித்துள்ளார்.

இது ஒரு தனிநபருக்கு எதிரான கருத்து அல்ல; மொத்த பெண்கள் சமூகத்தின் மரியாதையை அவமதிக்கும் செயல் என அவர் தெரிவித்துள்ளார்.

அமைச்சர் நாரா லோகேஷ், ஒரு தலித் பெண் உயர்ந்த பதவியில் இருப்பதை சகிக்க முடியாமல் தனிப்பட்ட தாக்குதல் நடத்தப்படுவதாக குற்றம் சாட்டியுள்ளார்.

முன்னாள் அமைச்சர் சொமிரெட்டி சந்திரமோகன் ரெட்டி இதை கண்டித்து, இதற்கான பதிலை மக்கள் அளிப்பார்கள் என தெரிவித்துள்ளார்.

இந்த சம்பவம் ஆந்திர அரசியலில் பெரும் பரபரப்பை ஏற்படுத்தி, தொடர்ந்து விவாதத்துக்குள்ளாகி வருகிறது.

Hindusthan Samachar / M.DEEPAK RAJA