பிரான்ஸ், 17 ஜூன் (ஹி.ச.)

பிரான்ஸின் லெ பெய்ன்ஸ் நகரில் ஜி 7 மாநாடு நடைபெற்று வருகின்றது.

இம்மாநாட்டில் பிரான்ஸ் அதிபர் இம்மானுவேல் மேக்ரான் அழைப்பின் பேரில் பிரதமர் மோடி பங்கேற்றுள்ளார். மாநாடில் பங்கேற்க வந்த அவரை அதிபர் மேக்ரான் வரவேற்றார்.

டொனால்ட் ட்ரம்ப் முக்கிய இடம்பெற்றிருந்த இந்த உச்சிமாநாட்டின் இறுதி நாளான இன்று

(ஜூன் 17, 2026), செயற்கை நுண்ணறிவு (AI) மற்றும் சமூக ஊடகங்களால் ஏற்படும் பாதுகாப்பு அச்சுறுத்தல்கள் குறித்து தலைவர்கள் விவாதிக்கவுள்ளனர்.

இதனைத் தொடர்ந்து, மாநாட்டை நடத்தும் பிரான்ஸ் அதிபர் இம்மானுவேல் மக்ரோன், வெர்சாய்ஸ் அரண்மனையில் தனது அமெரிக்க இணையுடன் விருந்துண்ணவுள்ளார்.

அனைவருக்கும் பயனளிக்கும் வகையிலான சமச்சீரான, அனைவரையும் உள்ளடக்கிய மற்றும் நிலையான பொருளாதார வளர்ச்சியை மீட்டெடுத்தல் குறித்த பணி அமர்வுடன் இந்நாள் தொடங்கவுள்ளது.

கனடா, பிரான்ஸ், ஜெர்மனி, இத்தாலி, ஜப்பான், பிரிட்டன் மற்றும் அமெரிக்கா ஆகிய நாடுகளின் தலைவர்கள் பங்கேற்கும் மூன்று நாள் உச்சிமாநாடானது, ஈரானுடனான போரை முடிவுக்குக் கொண்டுவருவதற்கான டிரம்ப்பின் ஒப்பந்தம் மற்றும் உக்ரைனுடன் அமைதியை ஏற்படுத்த ரஷ்யாவுக்கு அழுத்தம் கொடுக்கும் முயற்சிகள் ஆகியவற்றின் மீது தீவிர கவனம் செலுத்தியுள்ளது.

ஆனால் இன்றைய விவாதத்தில் டிஜிட்டல் துறை முக்கிய இடத்தைப் பிடிக்கவுள்ளது.

Hindusthan Samachar / vidya.b