சென்னை , 02 ஜூன் (ஹி.ச.)

தமிழக முதலமைச்சர் விஜயை, காங்கிரஸ் கட்சியின் மூத்த தலைவரும் முன்னாள் மத்திய அமைச்சருமான ப. சிதம்பரம் இன்று சென்னை தலைமைச் செயலகத்தில் நேரில் சந்தித்துப் பேசினார்.

இந்த சந்திப்பின் போது காங்கிரஸ் மற்றும் தமிழக வெற்றிக் கழகத்தின் முக்கிய நிர்வாகிகளும் உடனிருந்தனர்.

முதலமைச்சர் விஜய் பதவியேற்ற பிறகு ப. சிதம்பரம் அவரை சந்திப்பது இதுவே முதல்முறை என்பது குறிப்பிடத்தக்கது.

சுமார் 30 நிமிடங்கள் நீடித்த இந்த சந்திப்பு மிகுந்த அரசியல் முக்கியத்துவம் வாய்ந்ததாகப் பார்க்கப்படுகிறது.

சந்திப்பின் போது தமிழகத்தின் தற்போதைய அரசியல் சூழல், வளர்ச்சித் திட்டங்கள் மற்றும் தேசிய அளவிலான அரசியல் நிலவரங்கள் குறித்து இரு தலைவர்களும் விரிவாக ஆலோசித்ததாக தலைமைச் செயலக வட்டாரங்கள் தெரிவிக்கின்றன.

சந்திப்புக்குப் பின் செய்தியாளர்களிடம் பேசிய ப. சிதம்பரம் கூறுகையில்,

முதலமைச்சருடனான சந்திப்பு மரியாதை நிமித்தமானது. தமிழகத்தின் முன்னேற்றத்திற்காக அனைவரும் இணைந்து செயல்பட வேண்டும் என்று கூறினார்.

முதலமைச்சர் விஜயின் ஆட்சிக்கு காங்கிரஸ் கட்சியின் ஆதரவு நிலைப்பாடு குறித்தும், எதிர்வரும் கூட்டணி அரசியல் குறித்தும் இந்த சந்திப்பில் விவாதிக்கப்பட்டிருக்கலாம் என அரசியல் விமர்சகர்கள் கருதுகின்றனர்.

Hindusthan Samachar / vidya.b