அமராவதி , 23 ஜூன் (ஹி.ச.)

ஆந்திரப் பிரதேச அரசு நிறுவனங்கள், கார்ப்பரேஷன்கள் மற்றும் சொசைட்டிகளில் பணியாற்றும் ஊழியர்களின் ஓய்வு பெறும் வயதை 60-ல் இருந்து 62 ஆக உயர்த்த மாநில அமைச்சரவை ஒப்புதல் அளித்துள்ளது.

முதலமைச்சர் சந்திரபாபு நாயுடு தலைமையில் நடைபெற்ற அமைச்சரவை கூட்டத்தில் இந்த முக்கிய முடிவு எடுக்கப்பட்டது.

இந்த முடிவு அரசு நிறுவனங்கள், கார்ப்பரேஷன்கள் மற்றும் பல்வேறு சொசைட்டிகளில் பணியாற்றும் ஊழியர்களுக்கு பொருந்தும்.

ஓய்வு வயது உயர்த்தப்பட்டதன் மூலம் ஆயிரக்கணக்கான ஊழியர்கள் மேலும் 2 ஆண்டுகள் பணியாற்றும் வாய்ப்பைப் பெற உள்ளனர்.

இதுதவிர, மாநில வளர்ச்சியை முன்னிட்டு ரூ.34 ஆயிரம் கோடி மதிப்பிலான முதலீட்டு திட்டங்களுக்கு அமைச்சரவை ஒப்புதல் வழங்கியுள்ளது.

இந்த முதலீடுகள் மூலம் சுமார் 35 ஆயிரம் புதிய வேலைவாய்ப்புகள் உருவாகும் என அரசு தெரிவித்துள்ளது.

மேலும், உண்டவல்லி பகுதியில் அடிப்படை கட்டமைப்பு வசதிகளை மேம்படுத்த ரூ.426 கோடியும், ஜூடிஷியல் அகாடமி அமைப்பதற்காக ரூ.130 கோடியும் ஒதுக்கப்பட்டுள்ளன.

மொத்தத்தில் 80-க்கும் மேற்பட்ட முக்கிய அம்சங்களுக்கு அமைச்சரவை ஒப்புதல் வழங்கியுள்ளதாக தெரிவிக்கப்பட்டுள்ளது.

அரசு நிறுவன ஊழியர்களின் ஓய்வு வயது உயர்வு தொடர்பான முடிவுக்கு பல்வேறு ஊழியர் அமைப்புகள் வரவேற்பு தெரிவித்துள்ளன.

Hindusthan Samachar / M.DEEPAK RAJA