புதுடெல்லி , 23 ஜூன் (ஹி.ச.)

தெலங்கானா மாநில வளர்ச்சி தொடர்பான பல்வேறு கோரிக்கைகள் குறித்து மத்திய அமைச்சர்களுடன் நடைபெற்ற சந்திப்புகளை, மத்திய அமைச்சர் கிஷன் ரெட்டி ஒருங்கிணைத்ததாக தெரிவித்துள்ளார்.

தெலங்கானா முதல்வர் ரேவந்த் ரெட்டி மத்திய அமைச்சர்களை சந்திக்க ஏற்பாடு செய்யுமாறு இரண்டு முறை கடிதம் எழுதியிருந்தார்.

அதனைத் தொடர்ந்து, அவரது கோரிக்கையின் பேரில் மத்திய அமைச்சர்களுடன் சந்திப்புகள் ஏற்பாடு செய்யப்பட்டதாக கிஷன் ரெட்டி கூறினார்.

இதில், ஜூன் 22ஆம் தேதி ரயில்வே துறை அமைச்சர் அஷ்வினி வைஷ்ணவ்

உடன் முக்கியமான சந்திப்பு நடைபெற்றது.

அதேபோல், இன்று மத்திய நகர்ப்புற வளர்ச்சி மற்றும் வீடமைப்பு துறை அமைச்சர் மனோகர் லால் கட்டார்

மற்றும் அஷ்வினி வைஷ்ணவ் இணைந்து கலந்துகொண்ட மற்றொரு ஆலோசனை கூட்டமும் நடைபெற்றது.

இந்த அனைத்து சந்திப்புகளும் மிகவும் சுமுகமான மற்றும் நேர்மறையான சூழலில் நடைபெற்றதாக தெரிவிக்கப்பட்டுள்ளது.

தெலங்கானா மாநிலத்தின் வளர்ச்சி திட்டங்கள், அடிப்படை கட்டமைப்பு மேம்பாடு மற்றும் மக்களின் நலத்திட்டங்கள் குறித்து இதில் விரிவாக ஆலோசிக்கப்பட்டது.

மத்திய அமைச்சரவையில் தெலங்கானாவின் பிரதிநிதியாக, மாநில வளர்ச்சிக்காக தொடர்ந்து பணியாற்றுவேன் என்றும், தேவையான அனைத்து ஒத்துழைப்பையும் வழங்குவேன் என்றும் கிஷன் ரெட்டி உறுதி தெரிவித்துள்ளார்.

தெலங்கானா முதல்வரின் கோரிக்கையை முன்னிட்டு மத்திய அமைச்சர்களுடன் நடைபெற்ற முக்கிய சந்திப்புகள், மாநில வளர்ச்சிக்கான ஒத்துழைப்பை அதிகரிக்கும் வகையில் நடைபெற்றதாக அரசியல் வட்டாரங்கள் தெரிவிக்கின்றன.

Hindusthan Samachar / M.DEEPAK RAJA