மங்களகிரி , 25 ஜூன் (ஹி.ச.)

ஆந்திரப் பிரதேச துணை முதல்வரும், ஜனசேனா கட்சி தலைவருமான பவன் கல்யாண் தனது வருடாந்திர ஆன்மிக விரதத்தை மங்களகிரியில் உள்ள ஸ்ரீ பனகல லட்சுமி நரசிம்ம ஸ்வாமி கோவிலில் தொடங்கினார்.

கோவிலில் நடைபெற்ற சிறப்பு நிகழ்ச்சியில் பவன் கல்யாண் சாஸ்திரப்படி விரதத்தை ஏற்றுக் கொண்டார்.

முன்னதாக அவர் ஸ்வாமிக்கு பட்டு வஸ்திரங்களை சமர்ப்பித்து அஷ்டோத்தர சதநாமாவளி பூஜை உள்ளிட்ட சிறப்பு வழிபாடுகளை செய்தார்.

அவருக்கு கோவில் ராஜகோபுரம் அருகே தேவஸ்தான அதிகாரிகள் மற்றும் அர்ச்சகர்கள் பாரம்பரிய முறையில் வரவேற்பு அளித்தனர்.

ஒவ்வொரு ஆண்டும் நான்கு மாதங்கள் இந்த விரதத்தை கடைப்பிடித்து வரும் பவன் கல்யாண், தனது குருவிடமிருந்து மந்திர உபதேசம் பெற்றதிலிருந்து ஆன்மிக ஒழுக்கத்தின் ஒரு பகுதியாக இதை தொடர்ந்து பின்பற்றி வருகிறார்.

துணை முதல்வராகவும், பஞ்சாயத்து ராஜ் மற்றும் கிராம வளர்ச்சி துறை அமைச்சராகவும் பணியாற்றி வரும் நிலையிலும் தனது ஆன்மிக வழிபாட்டு மரபை அவர் தொடர்ந்து கடைப்பிடித்து வருவது குறிப்பிடத்தக்கது.

இந்த நிகழ்ச்சியில்

சில்லபள்ளி ஸ்ரீனிவாச ராவ்

உள்ளிட்ட ஜனசேனா கட்சி நிர்வாகிகள், முக்கிய தலைவர்கள் மற்றும் தொண்டர்கள் கலந்து கொண்டனர்.

Hindusthan Samachar / M.DEEPAK RAJA