தமிழ்நாடு, 28 ஜூன் (ஹி.ச.)

இந்தியாவின் முன்னாள் பிரதமரான பி.வி.நரசிம்ம ராவ் 1921ஆம் ஆண்டு ஜூன் 28ஆம் தேதி தெலுங்கானாவில், வாரங்கல் மாவட்டத்திலிருக்கும் லக்னேபல்லி என்ற கிராமத்தில் பிறந்தார்.

பாமுலபர்த்தி வெங்கட நரசிம்ம ராவ் (பி. வி. நரசிம்ம ராவ்) இந்தியாவின் ஒன்பதாவது பிரதமராகப் பணியாற்றிய முன்னணி அரசியல் தலைவர் மற்றும் வழக்கறிஞர் ஆவார்.

1991 முதல் 1996 வரை நாட்டின் பிரதமராக இருந்த இவர், இந்தியப் பொருளாதார தாராளமயமாக்கலின் தந்தை என்று போற்றப்படுகிறார்.

ஆந்திரப் பிரதேசத்தைச் சேர்ந்த இவர், தென்னிந்தியாவிலிருந்து தேர்ந்தெடுக்கப்பட்ட முதல் இந்தியப் பிரதமர் என்ற பெருமையைப் பெற்றவர்

இந்தியாவின் உயரிய விருதான பாரத ரத்னா இவருக்கு வழங்கப்பட்டுள்ளது.

1971 முதல் 1973 வரை ஆந்திரப் பிரதேச மாநிலத்தின் முதலமைச்சராகப் பணியாற்றினார்.

மத்திய அமைச்சராக: இந்திரா காந்தி மற்றும் ராஜீவ் காந்தி அமைச்சரவைகளில் வெளியுறவுத் துறை, உள்துறை மற்றும் பாதுகாப்புத் துறை போன்ற முக்கியப் பொறுப்புகளை வகித்தார்.

சாதனை வெற்றி: 1991 நாடாளுமன்ற இடைத்தேர்தலில் நந்தியால் தொகுதியில் போட்டியிட்டு 89% வாக்குகளைப் பெற்று கின்னஸ் சாதனை படைத்தார்

பொருளாதாரச் சீர்திருத்தங்கள்: 1991-ல் இந்தியா கடுமையான நிதி நெருக்கடியைச் சந்தித்தபோது, டாக்டர் மன்மோகன் சிங்கை நிதி அமைச்சராக நியமித்து, நாட்டின் பொருளாதார தாராளமயமாக்கல் கொள்கைகளைத் தொடங்கினார்.

பொருளாதார நெருக்கடி: 1991-ல் இந்தியா கடுமையான பொருளாதாரச் சமநிலையின்மை மற்றும் திவால் நிலையை எதிர்கொண்டது.

இந்திய சுதந்திரப் போராட்ட வீரரான ராவ், 1971ஆம் ஆண்டு முதல் 1973ஆம் ஆண்டு வரை ஆந்திரப் பிரதேச மாநிலத்தின் முதல்வராக பதவி வகித்தார்.

பின்னர் மத்திய அரசின் கீழ் வெளியுறவு அமைச்சர்

(1980-1984), உள்துறை அமைச்சர் (1984), பாதுகாப்பு அமைச்சர் (1984-85), மனித வள மேம்பாட்டு அமைச்சர் (1985) போன்ற பதவிகளையும் வகித்துள்ளார்.

1991ஆம் ஆண்டு ராஜீவ் காந்தி கொலை செய்யப்பட்ட பிறகு, இந்திய தேசிய காங்கிரஸ் கட்சியின் தலைவராக தேர்ந்தெடுக்கப்பட்டார்.

1991ஆம் ஆண்டு நடைபெற்ற தேர்தலில் காங்கிரஸ் கட்சி வெற்றி பெற்று ஐந்து ஆண்டுகள் பிரதமராக பதவி வகித்தார்.

இந்திய பொருளாதார சீர்திருத்தங்களின் தந்தையான பி.வி.நரசிம்ம ராவ் 2004ஆம் ஆண்டு மறைந்தார்.

Hindusthan Samachar / Durai.J