கோவை, 30 ஜூன் (ஹி.ச)

கோவை - மும்பை எக்ஸ்பிரஸ் என்பது தமிழகத்தின் கோயம்புத்தூர் மற்றும் மகாராஷ்டிராவின் மும்பை (லோக்மான்ய திலக் டெர்மினஸ் - LTT) நகரங்களை இணைக்கும் ஒரு முக்கியமான தினசரி விரைவு ரயில் ஆகும்.இந்த ரயில் தமிழ்நாடு, கர்நாடகா, ஆந்திரப் பிரதேசம் மற்றும் மகாராஷ்டிரா ஆகிய மாநிலங்கள் வழியாகச் செல்கிறது.

இந்த நிலையில் கோவை - மும்பை எக்ஸ்பிரஸ் ரயில் இன்று குறிப்பிட்ட நேரத்தை விட 6 மணி நேரம் தாமதமாக புறப்படும் என தெற்கு ரயில்வே நிர்வாகம் அதிகாரப்பூர்வமாக அறிவித்துள்ளது.

இந்த ரயில் வழக்கமான கால அட்டவணையின்படி காலை நேரத்தில் புறப்பட திட்டமிடப்பட்டிருந்தது. ஆனால், இயக்கக் காரணங்களால் ஏற்பட்ட தாமதத்தை தொடர்ந்து, இன்று பிற்பகல் 3:30 மணிக்கு கோவை சந்திப்பிலிருந்து புறப்படும் என ரயில்வே அதிகாரிகள் தெரிவித்தனர்.

இந்த திடீர் மாற்றத்தால் பயணிகள் சிரமத்திற்கு உள்ளாகியுள்ளனர்.

பயணத்திற்கு முன்பதிவு செய்திருந்த பயணிகள் ரயில் நிலையத்திற்கு வரும் முன் 139 என்ற எண்ணில் தொடர்பு கொண்டோ அல்லது NTES செயலி மூலமாகவோ ரயிலின் நிகழ்நேர நிலையை சரிபார்த்துக் கொள்ளுமாறு ரயில்வே நிர்வாகம் கேட்டுக்கொண்டுள்ளது.

மேலும், தாமதம் குறித்த கூடுதல் விவரங்களுக்கு கோவை ரயில் நிலைய விசாரணை மையத்தை அணுகலாம் எனவும் தெரிவிக்கப்பட்டுள்ளது.

Hindusthan Samachar / vidya.b