லக்னோ, 13 ஜூலை (ஹி.ச.)

பிரதமர் நரேந்திர மோடியின் தலைமையில் தொடங்கப்பட்ட 'ஏக் பேட் மா கே நாம்' பிரச்சாரம், சுற்றுச்சூழல் பாதுகாப்பில் பொதுமக்களின் பங்கேற்பை ஊக்குவிப்பதையும், நாடு முழுவதும் பசுமைப் பரப்பை அதிகரிப்பதையும் நோக்கமாகக் கொண்டுள்ளது.

இப்பிரச்சாரத்தின் கீழ் 40 கோடி மரக்கன்றுகளை நடும் இலக்கை உத்திரப் பிரதேசம் எட்டியுள்ளதாக அம்மாநில முதல்வர் யோகி ஆதித்யநாத் தெரிவித்துள்ளார்.

இது குறித்து இன்று எக்ஸ் தளத்தில் அவர் கூறியிருப்பதாவது,

'விருக்ஷரோபண் மஹாயக்ஞம்-2026' (Vriksharopan Mahayagya-2026) திட்டத்தின் கீழ், 'தாயின் பெயரில் ஒரு மரம்' (One Tree in Mother's Name) என்ற பிரச்சாரத்தில் 40 கோடி மரக்கன்றுகளை நடும் இலக்கை வெற்றிகரமாக எட்டி, மாநிலம் ஒரு புதிய மைல்கல்லை எட்டியுள்ளது.

'புதிய இந்தியாவில்' உருவான 'புதிய உத்தரப் பிரதேசத்தின்' புதிய வலிமையை பறைசாற்றும் ஒரு வெற்றிகரமான நிகழ்வாக இது அமைந்துள்ளது.

இயற்கையின் மீதான நன்றியுணர்வு, வருங்கால சந்ததியினருக்கான பொறுப்புணர்வு மற்றும் உயிரினங்களைப் பாதுகாக்கும் செய்தி ஆகியவற்றை உள்ளடக்கிய இந்தப் பிரச்சாரம், ஒரு உன்னதமான விழிப்புணர்வுத் திருவிழாவாகத் திகழ்கிறது.

மரம் நடும் பழக்கத்தை உங்கள் வாழ்வின் சடங்குகள் மற்றும் கொண்டாட்டங்களின் ஒரு பகுதியாக மாற்றிக்கொள்ளுமாறு உங்கள் ஒவ்வொருவரையும் நான் கேட்டுக்கொள்கிறேன். குடும்பத்தின் சுப நிகழ்ச்சிகள், பண்டிகைகள் மற்றும் சிறப்பு நாட்களை மரம் நடும் நிகழ்வுகளுடன் இணைப்பதன் மூலம், இயற்கையின் மீதான நமது கடமையை நாம் நிறைவேற்ற முடியும்.

வருங்கால சந்ததியினருக்கான பசுமையான, பாதுகாப்பான மற்றும் வளமான மாநிலத்தை உருவாக்குவதற்கான அடித்தளமாக இந்த மரக்கன்றுகளே அமையும்.

இவ்வாறு அவர் கூறியுள்ளார்.

Hindusthan Samachar / vidya.b