ஈரான், 14 ஜூலை (ஹி.ச.)

ஹார்முஸ் நீரிணையில் ஈரானின் குரூஸ் ஏவுகணைகள் தாக்கியதில் இரண்டு அமீரக எண்ணெய் கப்பல்கள் சேதமடைந்தன.

இந்த தாக்குதலில் ஒரு இந்திய கப்பல் ஊழியர் உயிரிழந்ததோடு, மேலும் எட்டு பேர் காயமடைந்ததாக ஐக்கிய அரபு அமீரக பாதுகாப்பு அமைச்சகம் இன்று தெரிவித்தது.

ஓமன் கடல் எல்லைக்குள், நீரிணையின் தெற்கு வழித்தடத்தில் இந்த தாக்குதல் நிகழ்ந்துள்ளது.

மொம்பாசா மற்றும் அல் பஹியா ஆகிய கப்பல்களில் தீப்பிடித்ததால் பெரும் பொருள் சேதம் ஏற்பட்டது.

எனினும் தீ விரைவாக கட்டுக்குள் கொண்டுவரப்பட்டது.

இந்த தாக்குதலை 'வெளிப்படையான தாக்குதல்' என்று கண்டித்த ஐக்கிய அரபு அமீரகம், பதிலடி கொடுக்கும் உரிமை தனக்கு உள்ளது என்று வலியுறுத்தியது.

அமெரிக்கா மற்றும் இஸ்ரேல் ஈரான் மீது நடத்திய தாக்குதல்களைத் தொடர்ந்து பதற்றம் அதிகரித்துள்ள நிலையில் இந்த சம்பவம் நிகழ்ந்துள்ளது.

இதற்கு பதிலளித்த ஈரானின் ராணுவத் தலைமை, நீரிணையின் எதிர்காலத்தை அமெரிக்கா கட்டுப்படுத்த முடியாது என்றும், வெளிநாட்டு சக்திகளின் இருப்பை சவால் செய்வதாகவும் தெரிவித்தது.

இந்த மோதல்களுக்கு மத்தியில், அமெரிக்கா மற்றும் ஈரான் இடையேயான இடைக்கால ஒப்பந்தம் நிச்சயமற்ற நிலையில் உள்ளது.

இது ஹார்முஸ் வழியாக செல்லும் முக்கிய எண்ணெய் போக்குவரத்துக்கு அச்சுறுத்தலாக அமைந்துள்ளது.

Hindusthan Samachar / vidya.b