அகமதாபாத், 16 ஜூலை (ஹி.ச.)

குஜராத் மாநிலத்தில் ஒவ்வொரு ஆண்டும் 'ஆஷாடி பிஜ்' அன்று நடைபெறும் ஜெகன்னாதர் ரத யாத்திரை, ஜமால்பூரில் உள்ள சுமார் 400 ஆண்டுகள் பழமையான ஸ்ரீ ஜெகன்னாதர் கோயிலில் தொடங்கி, அகமதாபாத்தின் பல்வேறு பகுதிகள் வழியாகச் சென்று, பின்னர் அதே நாளில் கோயிலுக்குத் திரும்புகிறது.

அம்மாநிலத்தின் மிக முக்கியமான வருடாந்திர மத நிகழ்வுகளில் ஒன்றான இந்த ரத யாத்திரையின் போது, பகவான் ஜெகன்னாதர் தனது சகோதரி சுபத்ராஜி மற்றும் சகோதரர் பலபத்ராஜின் அருளைப் பெற பக்தர்கள் அதிகமாக கூடுவர்.

அந்த வகையில் ஆஷாடி பீஜ் பண்டிகையையும், 149-வது ரத யாத்திரை திருவிழாவையும் முன்னிட்டு, மத்திய உள்துறை அமைச்சர் அமித் ஷா இன்று அகமதாபாத்தில் உள்ள புகழ்பெற்ற ஜெகன்னாதர் கோயிலில் நடைபெற்ற மங்கள ஆரத்தியில் பங்கேற்றார்.

அம்மாநில துணை முதல்வர் ஹர்ஷ் சங்கவி மத்திய உள்துறை அமைச்சர் அமித் ஷாவுடன் இணைந்து வழிபாடு நடத்தி பிரார்த்தனை செய்தார். அமித் ஷா தனது குடும்பத்தினருடன் மங்கள ஆரத்தி செய்து ஜெகன்னாத பெருமானை வழிபட்டார்.

ரத யாத்திரை நாளின் முதல் நிகழ்வுகளில் ஒன்றான இந்தச் சடங்கு, ஜெகன்னாதர், பலபத்திரர் மற்றும் சுபத்ரா தேவி ஆகியோரின் சிலைகளை ஏந்திய மூன்று தேர்களும் புறப்படுவதற்கு முன்னதாக நடைபெறுகிறது.

அகமதாபாத் ஜெகன்னாதர் கோயிலின் மகந்த் திலிப்தாஸ்ஜி, துறவிகள், மகந்துகள் மற்றும் ஏராளமான பக்தர்கள் இந்த புனித நிகழ்வில் கலந்து கொண்டனர்.

இது அகமதாபாத் நகரத்திற்கு மட்டுமின்றி ஒட்டுமொத்த குஜராத் மாநிலத்திற்கே முக்கியத்துவம் வாய்ந்த நம்பிக்கை மரபின் அடையாளமாக விளங்குகிறது.

Hindusthan Samachar / vidya.b