ஈரான், 19 ஜூலை (ஹி.ச)

ஜோர்டானில் நடத்தப்பட்ட தாக்குதலில் இரண்டு அமெரிக்க ராணுவ வீரர்கள் கொல்லப்பட்டதற்கும் மற்றொருவர் காணாமல் போனதற்கும் பதிலடியாக, ஈரான் மீது அமெரிக்கா புதிய வான்வழித் தாக்குதல்களை தொடங்கியுள்ளது.

ஹார்முஸ் ஜலசந்தியில் வர்த்தகக் கப்பல்களுக்கு அச்சுறுத்தல் விடுக்கும் ஈரானின் திறனை சீர்குலைக்கும் முயற்சியின் ஒரு பகுதியாகவே இந்த வான்வழித் தாக்குதல்கள் நடத்தப்பட்டதாக மத்திய கட்டளை மையம் தெரிவித்துள்ளது.

இந்த தாக்குதல்களுக்கு அமெரிக்க ஜனாதிபதி டொனால்ட் டிரம்ப் உத்தரவிட்டுள்ளார். சமீபத்திய தாக்குதல்களுக்கு காரணமான இஸ்லாமிய புரட்சிகர காவல்படை பிரிவினருக்கு தண்டனை வழங்கும் நோக்கமும் இதற்கு உண்டு.

இந்த மோதலுக்கு மத்தியில், எரிசக்தி விநியோகம் மற்றும் உலகளாவிய பொருளாதார ஸ்திரத்தன்மை மேலும் சிக்கலாகியுள்ளது.

அமெரிக்காவின் நடவடிக்கைகளுக்கு ஈரான் தலைமை கடும் எதிர்ப்பை தெரிவித்துள்ளதுடன், மேலும் விளைவுகள் ஏற்படும் என எச்சரித்துள்ளது.

முக்கிய கப்பல் போக்குவரத்து பாதைகளின் கட்டுப்பாட்டுக்கான இந்த போராட்டம், பரந்த மோதலுக்கான அச்சுறுத்தலை ஏற்படுத்தியுள்ளதால் நிலைமை மிகவும் முக்கியமான கட்டத்திற்கு சென்றுள்ளது.

Hindusthan Samachar / vidya.b