புதுடெல்லி, 24 ஜூலை (ஹி.ச.)

மத்திய தலைநகரில் தொடர்ந்து நடைபெற்று வரும் மாணவர் போராட்டங்களுக்கு மத்தியில், ஜந்தர் மந்தர் பகுதியில் அரசு விதித்துள்ள இணைய சேவை முடக்கத்தை எதிர்த்து தாக்கல் செய்யப்பட்ட பொதுநல வழக்கை அவசரமாக விசாரிக்க டெல்லி உயர் நீதிமன்றம் ஒப்புக்கொண்டுள்ளது.

இந்த வழக்கு இன்று

(ஜூலை 24) பிற்பகல் 2.30 மணிக்கு விசாரணைக்கு வருகிறது. தலைமை நீதிபதி தேவேந்திர குமார் உபாத்யாயா மற்றும் நீதிபதி தேஜஸ் காரியா ஆகியோர் அடங்கிய டிவிஷன் பெஞ்ச் இதனை விசாரிக்கிறது.

மனுதாரர் தரப்பில் ஆஜரான வழக்கறிஞர்,

ஜந்தர் மந்தர் பகுதியைச் சுற்றி இணைய சேவையை நிறுத்தி வைக்க அரசு உத்தரவிட்டுள்ளதாகக் கூறி, வழக்கை பிற்பகல் 2.30 மணிக்கு பட்டியலிட அவசர விசாரணை கோரினார். இதனை ஏற்றுக்கொண்ட நீதிமன்றம் விசாரணைக்கு ஒப்புதல் அளித்தது. மனுதாரர் தரப்பில் மூத்த வழக்கறிஞர் காலின் கோன்சால்வெஸ் ஆஜராக உள்ளார்.

ஜந்தர் மந்தரைச் சுற்றி 1.5 கிலோமீட்டர் சுற்றளவில் மொபைல் இணைய சேவையை நிறுத்தி வைக்க தொலைத்தொடர்பு நிறுவனங்களுக்கு அரசு பிறப்பித்த உத்தரவை எதிர்த்து இந்த பொதுநல வழக்கு தாக்கல் செய்யப்பட்டுள்ளது.

இந்த கட்டுப்பாடுகள் தன்னிச்சையானவை, விகிதாசாரமற்றவை மற்றும் அடிப்படை உரிமைகளை மீறுவதாக மனுவில் வாதிடப்பட்டுள்ளது. இதற்கு நீதித்துறை மறுஆய்வு மற்றும் உரிய நிவாரணம் வழங்க வேண்டும் என மனுதாரர் கோரியுள்ளார்.

மத்திய கல்வி அமைச்சர் தர்மேந்திர பிரதான் பதவி விலக வலியுறுத்தி மத்திய டெல்லியில் போராட்டங்கள் தீவிரமடைந்து, பாதுகாப்பு பலப்படுத்தப்பட்டுள்ள நிலையில் இந்த மனு தாக்கல் செய்யப்பட்டுள்ளது குறிப்பிடத்தக்கது.

Hindusthan Samachar / vidya.b