கொல்கத்தா, 27 ஜூலை (ஹி.ச.)

கொல்கத்தாவில் இடதுசாரி மற்றும் தீவிர இடதுசாரி மாணவர் அமைப்புகள் சார்பில் கடந்த ஜூலை 24 ஆம் தேதி நடத்தப்பட்ட போராட்டத்தின் போது செய்தியாளர்கள் மீது நடத்தப்பட்ட தாக்குதல் மற்றும் பாலியல் அத்துமீறல் சம்பவத்திற்கு மத்திய கல்வித்துறை இணை அமைச்சர் சுகந்த மஜும்தார் கடும் கண்டனம் தெரிவித்துள்ளார்.

இது தொடர்பாக இன்று செய்தியாளர்களிடம் பேசிய அவர்,

கரப்பான் பூச்சிகள் என்ற பெயரில் இடதுசாரிகளும் தீவிர இடதுசாரிகளும் கொல்கத்தா வீதிகளில் போராட்டம் நடத்தினர். அந்தப் போராட்டத்தை ரவுடிகளும், குண்டர்களும் கைப்பற்றிக் கொண்டதை நாங்கள் பார்த்தோம். அவர்கள் செய்தியாளர்களை தாக்கியுள்ளனர், அவர்களிடம் அத்துமீறலில் ஈடுபட்டுள்ளனர். இது தொடர்பாக காவல்துறை தற்போது நடவடிக்கை எடுத்து வருகிறது.

இது பாஜக அரசு. நாங்கள் திருப்திப்படுத்தும் அரசியலை ஒருபோதும் அனுமதிக்க மாட்டோம். எனவே செய்தியாளர்கள் மீதும் சாமானிய மக்கள் மீதும் இத்தகைய அத்துமீறலில் ஈடுபட்டவர்கள் அதற்கான விலையை கொடுத்தே ஆக வேண்டும்.

என்று எச்சரித்தார்.

இதனிடையே, இந்த தாக்குதலில் காயமடைந்தவர்களை மேற்கு வங்க சட்டப்பேரவை எதிர்க்கட்சித் தலைவர் ரிதப்ரதா பானர்ஜி எஸ்.எஸ்.கே.எம் மருத்துவமனையில் நேரில் சந்தித்து ஆறுதல் கூறினார்.

மேலும் இச்சம்பவத்தில் தொடர்புடைய குற்றவாளிகள் மீது உடனடியாக கடும் நடவடிக்கை எடுக்க வேண்டும் என்றும் அவர் வலியுறுத்தியுள்ளார்.

Hindusthan Samachar / vidya.b