புதுடெல்லி, 28 ஜூலை (ஹி.ச.)

நீட் வினாத்தாள் கசிவு விவகாரம் தொடர்பாக மக்களவையில் நடைபெற்ற விவாதத்தில் பேசிய காங்கிரஸ் எம்.பி. பிரியங்கா காந்தி வதோரா,

மத்திய அரசின் செயல்பாட்டை கடுமையாக விமர்சித்தார்.

மாணவர்கள் தங்கள் எதிர்காலத்தைப் பாதுகாக்க அமைதியான முறையில் போராடிய நிலையில், அவர்கள் மீது காவல்துறையினர் மேற்கொண்ட நடவடிக்கையை அவர் கண்டித்தார்.

மாணவர்களின் நியாயமான கோரிக்கைகளுக்கு பதிலளிப்பதற்குப் பதிலாக, அவர்களை ஒடுக்க முயன்றதாக குற்றம்சாட்டினார்.

நீட் வினாத்தாள் கசிவு போன்ற மிக முக்கியமான பிரச்சினையில் மத்திய அரசு வெளிப்படைத்தன்மையுடன் செயல்படவில்லை என்றும், இந்த விவகாரத்தில் பிரதமர் நரேந்திர மோடி மற்றும் உள்துறை அமைச்சர் அமித்ஷா விளக்கம் அளிக்க வேண்டும் என்றும் அவர் வலியுறுத்தினார்.

மாணவர்களின் எதிர்காலம் அரசியல் விவகாரமாக அல்லாமல், தேசிய முக்கியத்துவம் வாய்ந்த பிரச்சினையாகக் கருதி அரசு பொறுப்பேற்க வேண்டும் என்றும் பிரியங்கா காந்தி கூறினார்.

Hindusthan Samachar / VINOTH KUMAR P