விழுப்புரம், 06 ஜூலை (ஹி.ச.)

விழுப்புரம் மாவட்டம் அருகே வீரமுத்து மற்றும் வினோத் ஆகிய இருவரும் நேற்று இரவு மது அருந்திவிட்டு தங்களுக்குள் கடுமையாகச் சண்டையிட்டுக் கொண்டிருந்தனர்.

அந்த வழியாகச் சென்ற ஜேசிபி ஓட்டுநரான மூர்த்தி, இருவரையும் சமாதானப்படுத்தி சண்டையை நிறுத்த முயன்றுள்ளார்.

ஆனால், போதையில் இருந்த இருவரும் ஆத்திரமடைந்து மூர்த்தியைச் சரமாரியாகத் தாக்கியுள்ளனர்.

இதில் படுகாயமடைந்த மூர்த்தி சம்பவ இடத்திலேயே ரத்த வெள்ளத்தில் சரிந்து உயிரிழந்தார்.

தகவல் அறிந்து விரைந்து வந்த காவல்துறையினர், மூர்த்தியின் உடலைக் கைப்பற்றி பிரேதப் பரிசோதனைக்காக விழுப்புரம் அரசு மருத்துவமனைக்கு அனுப்பி வைத்தனர்.

மேலும், தப்பியோடிய வீரமுத்து மற்றும் வினோத் ஆகியோரைத் தேடி வருகின்றனர்.

நண்பர்களின் சண்டையைத் தடுக்கச் சென்ற அப்பாவி ஒருவர் கொலை செய்யப்பட்ட சம்பவம் அப்பகுதியில் பெரும் சோகத்தையும் பதற்றத்தையும் ஏற்படுத்தியுள்ளது.

விழுப்புரம் மாவட்டம் மற்றும் அதன் சுற்றுவட்டாரப் பகுதிகளில் சட்டம் ஒழுங்கு சார்ந்த விவகாரங்களில் இத்தகைய மோதல்கள் அவ்வப்போது பதிவாகி வருகின்றன.

இது தொடர்பாக போலீசார் வழக்குப் பதிவு செய்து தீவிர விசாரணை மேற்கொண்டு வருகின்றனர்.

Hindusthan Samachar / vidya.b