பஞ்சாப், 01 ஆகஸ்ட் (ஹி.ச.)

பஞ்சாப் முதலமைச்சர் பகவந்த் சிங் மான், இன்று பதான்கோட்டில் நடைபெறும் நிகழ்ச்சியில் 'முக்ய மந்திரி மாவான் தியான் சத்கார் யோஜனா' திட்டத்தின் கீழ் நிதியுதவியை வழங்க உள்ளார்.

இந்த திட்டத்தின் மூலம் மாநிலம் முழுவதும் உள்ள 35.5 லட்சம் பெண்களின் வங்கிக் கணக்குகளுக்கு நேரடியாக நிதி செலுத்தப்படும்.

இதற்கு முன்பு இந்த நலத்திட்டத்தின் மூலம் 33 லட்சம் பெண்கள் பயனடைந்துள்ளனர்.

தற்போதைய தவணை வெளியீட்டுக்குப் பிறகு, இத்திட்டத்தின் கீழ் நிதியுதவி பெறும் பெண்களின் மொத்த எண்ணிக்கை 68.5 லட்சமாக உயரும்.

மான் தலைமையிலான அரசு அறிமுகப்படுத்திய இந்த திட்டத்தின் கீழ், பொதுப் பிரிவைச் சேர்ந்த தகுதியான பெண்களுக்கு மாதந்தோறும் ரூ.1,000 வழங்கப்படுகிறது, அதே நேரத்தில் பட்டியல் சாதியைச் சேர்ந்த பெண்களுக்கு மாதந்தோறும் ரூ.1,500 வழங்கப்படுகிறது.

இந்த நிதியுதவி நேரடி பயன் பரிமாற்றம் மூலம் பயனாளிகளின் வங்கிக் கணக்குகளில் நேரடியாக வரவு வைக்கப்படும் என்று அதிகாரிகள் தெரிவித்தனர்.

2026-27 பஞ்சாப் பட்ஜெட்டின் ஒரு பகுதியாக, சர்வதேச மகளிர் தினத்தை முன்னிட்டு கடந்த மார்ச் 8, 2026 அன்று முதலமைச்சர் பகவந்த் மான் இந்த திட்டத்தை அறிவித்தார்.

தகுதியான பெண்களுக்கு மாதாந்திர நிதி ஆதரவை வழங்குவதே இந்த திட்டத்தின் நோக்கமாகும்.

இத்திட்டத்திற்காக பஞ்சாப் அரசு ரூ.9,300 கோடி நிதியை ஒதுக்கியுள்ளதுடன், இதன் மூலம் மாநிலம் முழுவதும் சுமார் 90 லட்சம் பெண்கள் பயனடைவார்கள் என்று எதிர்பார்க்கப்படுகிறது.

Hindusthan Samachar / vidya.b