புதுடெல்லி, 10 ஆகஸ்ட் (ஹி.ச.)

வங்கியாளர்களின் புத்தகங்கள் சாட்சிய மசோதா 2026-ஐ கொண்டுவர அரசியலமைப்பின் ஏழாவது அட்டவணையில் உள்ள ஒன்றியப் பட்டியலின் 45-வது பிரிவு நாடாளுமன்றத்திற்கு அதிகாரம் வழங்குகிறது என மாநிலங்களவையில் மத்திய நிதியமைச்சர் நிர்மலா சீதாராமன் தெரிவித்தார்.

1891-ஆம் ஆண்டு வங்கியாளர்களின் புத்தகங்கள் தொடர்பான சட்டத்தை ரத்து செய்து, அதற்கு பதிலாக வங்கியாளர்களின் புத்தகங்கள் சாட்சிய மசோதா 2026 கொண்டு வரப்படுவதாக அவர் கூறினார்.

இந்த மசோதா வங்கி ஆவணங்களுக்கு தொழில்நுட்ப நடுநிலையான சட்ட கட்டமைப்பை வழங்குவதுடன், மின்னணு மற்றும் டிஜிட்டல் வங்கி பதிவுகளுக்கும் சட்ட அங்கீகாரம் அளிக்கும் என தெரிவித்தார்.

மேலும், மின்னணு வங்கி பதிவுகளை நீதிமன்றங்களில் சாட்சியமாக ஏற்றுக்கொள்வதற்கான நடைமுறையை எளிமைப்படுத்தவும், சான்றிதழ் வழங்கும் முறையை ஒரே மாதிரியாக்கவும் மசோதா வழிவகுக்கும் என நிர்மலா சீதாராமன் கூறினார்.

கையேடு, டிஜிட்டல் மற்றும் மின்னணு கையொப்பங்கள் மூலம் ஆவணங்களை அங்கீகரிக்கவும் மசோதா அனுமதிக்கிறது என்றும், வழக்கில் வங்கி ஒரு தரப்பாக இல்லாதபோது வங்கி அதிகாரிகளுக்கு வழங்கப்படும் சட்டப் பாதுகாப்பை இது மேலும் வலுப்படுத்தும் என்றும் அவர் தெரிவித்தார்.

Hindusthan Samachar / VINOTH KUMAR P