புதுடெல்லி, 10 ஆகஸ்ட் (ஹி.ச.)

மாணவர்கள் மீது நடத்தப்பட்டதாக கூறப்படும் காவல்துறை வன்முறை குறித்து காங்கிரஸ் தலைவர் ராகுல் காந்தி எம்.பி கடும் கண்டனம் தெரிவித்துள்ளார்.

இது குறித்து அவர் எக்ஸ் தளத்தில் இன்று கூறியிருப்பதாவது,

தங்கள் எதிர்காலம் குறித்து அமைதியாகக் கேள்வி எழுப்பிய மாணவர்கள் பெல்லட் துப்பாக்கிகள், ஆணிகள் பதிக்கப்பட்ட தடிகளால் தாக்கப்பட்டனர். அவர்கள் மீது கண்ணீர்ப் புகைக் குண்டுகள் வீசப்பட்டன.

இளம் பெண்கள் காவல்துறையினரால் தாக்கப்பட்டனர். அவர்களில் பலர் தங்கள் அந்தரங்க உறுப்புகளில் காயமடைந்தனர். சிறார்களுக்கு எலும்பு முறிவுகள் ஏற்பட்டன. இப்படித்தான் மோடி அரசு ஒரு கேள்விக்குப் பதிலளிக்கிறது.

உள்துறை அமைச்சரோ? கிட்டத்தட்ட 20 நாட்கள் ஆகியும், அமித் ஷா இதற்குப் பதிலளிக்க நாடாளுமன்றத்திற்கு வரவில்லை. விவாதத்திற்கான எதிர்க்கட்சியின் ஒவ்வொரு தீர்மானமும் நிராகரிக்கப்பட்டுள்ளது.

அவரது மௌனம் ஒரு கவனக்குறைவு அல்ல - அது வன்முறைக்கு ஒப்புதல் அளிப்பதாகும்.

அவர் ஒன்று குற்றவாளியாக இருக்க வேண்டும் அல்லது திறமையற்றவராக இருக்க வேண்டும்.

உச்ச நீதிமன்றத்தின் மேற்பார்வையில் ஒரு விசாரணைக்கு நாங்கள் கோரிக்கை விடுகிறோம். அவர் பொறுப்பேற்கும் வரை நாங்கள் போராடுவதை நிறுத்த மாட்டோம்.

இவ்வாறு அவர் கூறியுள்ளார்.

Hindusthan Samachar / vidya.b