மதுரை, 22 ஆகஸ்ட் (ஹி.ச.)

தமிழக அரசின் தலைமைச் செயலாளர் மீது உரிய நடவடிக்கை எடுக்கப்பட வேண்டும் என்று எம்.பி. சு.வெங்கடேசன் வலியுறுத்தி உள்ளார்.

மதுரையில் செய்தியாளர்களை சந்தித்த எம்பி சு.வெங்கடேசன் பேசுகையில்,

டெல்லியில் நடைபெற்ற மாணவர் போராட்டத்தை ஒடுக்க ஜூலை 24-ஆம் தேதி டெல்லி பல்கலைக்கழகங்கள் சுற்றறிக்கை வெளியிட்டன.

அந்த சுற்றறிக்கையில் இடம்பெற்ற வாசகங்கள் ஜூலை 28-ஆம் தேதி தமிழ்நாடு அரசின் தலைமைச் செயலாளர் கூட்ட நடவடிக்கையில் அப்படியே இடம்பெற்றுள்ளது.

அதன் பின் உள்துறை செயலாளர், உயர்கல்வி செயலாளர், கல்லூரிக் கல்வி இயக்குநரின் சுற்றறிக்கையாக அது மாறுகிறது.

மோடி - ஷா களின் உத்தரவு டெல்லி பல்கலைக்கழகங்களின் உத்தரவாக மாறியது. அதே வாசகங்கள் அதைவிட மோசமாகத் தமிழக அரசின் உத்தரவாக எப்படி மாற்றப்பட்டது?

இதற்கு காரணமான தமிழக அரசின் தலைமைச் செயலாளர் மீது உரிய நடவடிக்கை எடுக்கப்பட வேண்டும் என்று பேசினார்.

Hindusthan Samachar / ANANDHAN