ஈரான், 23 ஆகஸ்ட் (ஹி.ச.)

அமெரிக்கா ஈரான் மீது மற்றொரு சுற்று பொருளாதாரத் தடைகளை விதிக்கத் தயாராகி வரும் நிலையில், புவிசார் அரசியல் நெருக்கடி மேலும் தீவிரமடைந்துள்ளது. ஏற்கனவே நெருக்கடியில் உள்ள ஈரானின் பொருளாதாரத்தை இந்தத் தடைகள் மேலும் இறுக்கும் என்பதுடன், அதன் முக்கிய வர்த்தகப் பங்காளிகள், குறிப்பாக சீனாவின் மீதும் குறிப்பிடத்தக்க தாக்கத்தை ஏற்படுத்தும் என தகவல்கள் வெளியாகியுள்ளன. .

முக்கியத்துவம் வாய்ந்த ஹார்முஸ் நீரிணை வழியாக எண்ணெய் ஏற்றுமதி கிட்டத்தட்ட முடங்கியுள்ள நிலையில் தொடரும் பதற்றத்திற்கு மத்தியில் இந்த நடவடிக்கை எடுக்கப்பட்டுள்ளது.

அமெரிக்காவின் இந்த நடவடிக்கையை, சுதந்திரமான ஐ.நா. உறுப்பு நாடுகள் மீதான அமெரிக்க இறையாண்மையின் அத்துமீறல் என ஈரான் கண்டனம் தெரிவித்துள்ளது.

இதனை ஒரு பொருளாதாரப் போர் என கூறும் ஈரான் அரசு, அமெரிக்காவுடன் ஒத்துழைக்கும் நாடுகளின் நலன்களைக் குறிவைக்கும் என எச்சரித்துள்ளது.

இதற்கிடையே, அமெரிக்க கருவூலச் செயலாளர் ஸ்காட் பெசண்ட் உள்ளிட்ட வாஷிங்டன் அதிகாரிகள், தங்களது உத்தியை வரலாற்றிலேயே மிகக் கடுமையான தடைகள் என விவரித்துள்ளனர்.

அமைதிக்கான முயற்சிகள் இன்னும் எட்டாக்கனியாகவே உள்ள நிலையில், தங்கள் நலன்களைத் தீவிரமாகப் பாதுகாக்கத் தயாராக இருப்பதாக தெஹ்ரான் அதிகாரிகள் தெரிவிக்கின்றனர்.

ராஜதந்திர பதற்றம் அதிகரித்து வரும் வேளையில், ஈரான் அதிபர் மசூத் பெசஷ்கியான் உள்ளிட்ட பிராந்தியத் தலைவர்கள், பகைமையை முடிவுக்குக் கொண்டுவர ராஜதந்திர தீர்வையே வலியுறுத்துகின்றனர்.

வெளிப்புறத் தலையீட்டை விட பிராந்திய பாதுகாப்புக்கு முக்கியத்துவம் அளிக்க வேண்டும் என்றும், சுதந்திரமான பிராந்திய பாதுகாப்பு ஏற்பாடுகளை அவர்கள் வலியுறுத்தி வருகின்றனர்.

Hindusthan Samachar / vidya.b