சென்னை, 05 ஆகஸ்ட் (ஹி.ச.)

தமிழக அரசின் பெயர் மாற்றம் தொடர்பான விமர்சனங்களுக்கு பதிலளித்து, தமிழக வெற்றி கழகம் எக்ஸ் சமூக வலைதளத்தில் பதிவு ஒன்றை வெளியிட்டுள்ளது.

அந்த பதிவில், மாற்றம் என்பது பெயர் மாற்றம் மட்டுமல்ல, திமுக ஆட்சியில் நிலவியதாகக் கூறப்படும் ஊழல் மற்றும் லஞ்ச நடைமுறைகளில் இருந்து மீள்வதற்கான மாற்றம் என்றும் தெரிவிக்கப்பட்டுள்ளது.

மேலும், மாடல் ஆட்சி என்ற விளம்பர அரசியலுக்கு பதிலாக, மனசாட்சி உள்ள மக்களாட்சியை வழங்கும் அரசாக தற்போதைய அரசு செயல்பட்டு வருவதாகவும், திமுக ஆட்சிக்கு இருந்ததாகக் கூறப்படும் ஊழல் குற்றச்சாட்டுகளுக்கு மாறாக, நேர்மையான நிர்வாகத்தின் மூலம் லஞ்சம் மற்றும் ஊழலற்ற அரசாக தற்போதைய அரசு பெயர் பெற்றுள்ளதாகவும் அந்த பதிவில் குறிப்பிடப்பட்டுள்ளது.

இந்த மாற்றமே உண்மையான மாற்றம் என்பதை விமர்சகர்கள் புரிந்துகொள்ள வேண்டும் என்றும், தமிழக வெற்றி கழகம் தனது எக்ஸ் பதிவில் தெரிவித்துள்ளது.

Hindusthan Samachar / VINOTH KUMAR P