புதுடெல்லி, 01 செப்டம்பர் (ஹி.ச.)

ஜூலை 20-ஆம் தேதி நடைபெற்ற கரப்பான் பூச்சி ஜனதா கட்சி (CJP) போராட்டத்தைத் தொடர்ந்து மாணவர்கள் மற்றும் போராட்டக்காரர்கள் மீது பல்வேறு மாநிலங்கள் மற்றும் யூனியன் பிரதேசங்களில் பதிவு செய்யப்பட்ட வழக்குகளை உச்சநீதிமன்றம் ரத்து செய்துள்ளது.

ஜூலை 20 முதல் 25-ஆம் தேதி வரை நடைபெற்ற போராட்டங்கள் தொடர்பாக பதிவு செய்யப்பட்ட அனைத்து FIR-களையும் ரத்து செய்ய உத்தரவிட்ட நீதிமன்றம், ஏற்கனவே குற்றப் பின்னணி கொண்டவர்களுக்கு மட்டும் இந்த உத்தரவு பொருந்தாது எனத் தெரிவித்துள்ளது.

இந்த வழக்குகள் தொடர்பாக மத்திய அரசு உச்சநீதிமன்றத்தில் அளித்த உறுதிமொழியைத் தொடர்ந்து இந்த நடவடிக்கை எடுக்கப்பட்டுள்ளது.

அதன்படி, ஜூலை 20-ஆம் தேதி நடைபெற்ற CJP போராட்டம் தொடர்பாக பதிவு செய்யப்பட்ட வழக்குகள் திரும்பப் பெறப்படும் என்றும், அதே போராட்டம் தொடர்பாக எதிர்காலத்தில் புதிதாக எந்த வழக்கும் பதிவு செய்யப்படாது என்றும் மத்திய அரசு உறுதியளித்துள்ளது.

மாணவர் போராட்டக்காரர்கள் மீதான வழக்குகளை வாபஸ் பெற வேண்டும் என CJP தொடர்ந்து வலியுறுத்தி வந்த நிலையில், அதற்காக செப்டம்பர் 5-ஆம் தேதி டெல்லியில் பேரணி நடத்தவும் திட்டமிட்டிருந்தது.

தற்போது உச்சநீதிமன்றத்தின் உத்தரவு மற்றும் மத்திய அரசின் உறுதிமொழியைத் தொடர்ந்து, அந்தப் பேரணியை நடத்த வேண்டிய அவசியம் இல்லை எனக் கூறி செப்டம்பர் 5 பேரணியை CJP கைவிட்டுள்ளது.

Hindusthan Samachar / VINOTH KUMAR P