சென்னை, 17 செப்டம்பர் (ஹி.ச.)

தமிழகத்தின் சமூக மற்றும் அரசியல் வரலாற்றில் ஆழமான தடத்தைப் பதித்த தந்தை பெரியாரின் பொது வாழ்வை நினைவுகூர்வதாக முன்னாள் தமிழக பாஜக தலைவரும் வீ தி லீடர்ஸ் அமைப்பின் தலைவருமான அண்ணாமலை தெரிவித்துள்ளார்.

இது தொடர்பாக இன்று அவர் தனது எக்ஸ் தளப் பக்கத்தில் வெளியிட்டுள்ள பதிவில்,

தமிழக சமூக அரசியல் வரலாற்றில் பெரும் தாக்கத்தை ஏற்படுத்திய பெருமைக்குரியவர் தந்தை பெரியார் என்று குறிப்பிட்டுள்ளார்.

சமூகத்தில் நிலவி வந்த ஏற்றத்தாழ்வுகள், சாதியப் பாகுபாடுகள் மற்றும் மூடநம்பிக்கைகளுக்கு எதிராக தனது வாழ்நாள் முழுவதையும் அர்ப்பணித்துப் போராடியவர் பெரியார் என்றும் அவர் புகழாரம் சூட்டியுள்ளார்.

பெரியார் முன்னெடுத்த சுயமரியாதை இயக்கமும், பகுத்தறிவு சிந்தனைகளும் தமிழ் சமூகத்தில் பெரும் விழிப்புணர்வை ஏற்படுத்தியதாகவும், அவரது கொள்கைகள் இன்றும் பல தலைமுறைகளுக்கு வழிகாட்டியாகத் திகழ்வதாகவும் அண்ணாமலை தனது பதிவில் தெரிவித்துள்ளார்.

தனது கொள்கைக்காக எந்தவித சமரசமும் இன்றி இறுதிவரை உறுதியுடன் நின்றவர் பெரியார் என்றும், அவரது பொது வாழ்வை நினைவுகூர்ந்து வணங்குவதாகவும் அவர் குறிப்பிட்டுள்ளார்.

Hindusthan Samachar / vidya.b