செங்கல்பட்டு, 21 செப்டம்பர் (ஹி.ச)

மதுராந்தகம் மற்றும் தாராபுரம் ஆகிய தொகுதிகளுக்கு அக்டோபர் 6, 2026 அன்று இடைத்தேர்தல் நடைபெற உள்ளது. இத்தேர்தலில் மதுராந்தகம் தொகுதி தி.மு.க. வேட்பாளராக ஐ. பரந்தாமன் களம் இறக்கப்பட்டுள்ளார்.

செங்கல்பட்டு மாவட்டம் மதுராந்தகத்தில் வரும் அக்டோபர் 3-ம் தேதி திமுக தலைவரும் தமிழக முன்னாள் முதலமைச்சருமான மு.க.ஸ்டாலின் தேர்தல் பரப்புரையில் ஈடுபட உள்ளார்.

மதுராந்தகம் சட்டமன்றத் தொகுதிக்கு உட்பட்ட பகுதியில் நடைபெறவுள்ள இந்த பிரம்மாண்ட பரப்புரை பொதுக்கூட்டத்தில் பங்கேற்று, திமுக கூட்டணி வேட்பாளருக்கு ஆதரவாக அவர் வாக்கு சேகரிக்க உள்ளார். இந்த பரப்புரை கூட்டத்திற்கான ஏற்பாடுகளை மாவட்ட திமுக நிர்வாகிகள் தீவிரமாக மேற்கொண்டு வருகின்றனர்.

திமுக தலைவரின் வருகையை முன்னிட்டு மதுராந்தகம் பகுதி முழுவதும் உற்சாகமான சூழல் நிலவி வருகிறது. கடந்த சில ஆண்டுகளில் தமிழக அரசு மேற்கொண்டுள்ள வளர்ச்சித் திட்டங்கள் மற்றும் மக்கள் நலத் திட்டங்களை எடுத்துரைத்து ஸ்டாலின் பேசுவார் என எதிர்பார்க்கப்படுகிறது. இந்த பரப்புரை கூட்டத்தில் திரளான தொண்டர்களும் பொதுமக்களும் பங்கேற்பார்கள் என தெரிகிறது.

த.வெ.க. சார்பில் அக்கட்சியின் தலைவரும் முதலமைச்சருமான விஜய் செப்டம்பர் 25 மற்றும் அக்டோபர் 2 ஆகிய தேதிகளிலும், அ.தி.மு.க. பொதுச்செயலாளர் எடப்பாடி பழனிசாமி ஆகியோரும் மதுராந்தகத்தில் பிரசாரம் செய்ய உள்ளனர்.

Hindusthan Samachar / vidya.b