புதுடெல்லி, 21 செப்டம்பர் (ஹி.ச)

மத்திய வேளாண் மற்றும் விவசாயிகள் நலத்துறை அமைச்சர் சிவராஜ் சிங் சவுகான் இன்று ஒரு நாள் பயணமாக பஞ்சாப் செல்ல உள்ளார்.

அங்கு அவர் 'நஷா முக்த் பஞ்சாப் யாத்திரை'யை தொடங்கி வைத்து, பொதுக்கூட்டத்தில் உரையாற்றுவதுடன், விவசாயிகள் மற்றும் சுய உதவிக் குழுக்களைச் சேர்ந்த பெண்களுடன் கள அளவில் கலந்துரையாட உள்ளார்.

சவுகான் தனது சுற்றுப்பயணத்தை பத்திண்டா மாவட்டத்தில் உள்ள தல்வண்டி சபோவில் உள்ள தக்த் ஸ்ரீ தம்தமா சாஹிப்பிற்கு சென்று வழிபாடு நடத்துவதன் மூலம் தொடங்குகிறார்.

அதனைத் தொடர்ந்து, தல்வண்டி சபோவில் உள்ள ரவிதாஸியா சவுக்கில் 'நஷா முக்த் பஞ்சாப் யாத்திரை'யை அதிகாரப்பூர்வமாக தொடங்கி வைத்து, போதைப்பொருள் ஒழிப்பு விழிப்புணர்வு பேரணியில் பங்கேற்கிறார்.

இதனைத் தொடர்ந்து, மத்திய அமைச்சர் இந்த யாத்திரையின் ஒரு பகுதியாக ஏற்பாடு செய்யப்பட்டுள்ள பொதுக்கூட்டத்தில் பேசுவதற்காக மைசர் கானாவுக்கு செல்கிறார்.

அங்கு அவர் திதர்சர் சாஹிப் குருத்வாராவுக்கும் சென்று, சமுதாய லங்கரில் பங்கேற்கிறார்.

இந்த ஒரு நாள் சுற்றுப்பயணம் பத்திண்டாவில் உள்ள கிருஷி விக்யான் கேந்திராவில் (கே.வி.கே) நடைபெறும் வேளாண் தொடர்பு நிகழ்ச்சியுடன் நிறைவடைகிறது.

அங்கு, பஞ்சாபில் உள்ள கிராமப்புற வாழ்வாதாரங்கள், வேளாண் திட்டங்கள் மற்றும் பெண்கள் தலைமையிலான சமூக முன்முயற்சிகள் குறித்து ஆய்வு செய்வதற்காக உள்ளூர் விவசாயிகள் மற்றும் சுய உதவிக் குழு சகோதரிகளுடன் சவுகான் கலந்துரையாட உள்ளார்.

Hindusthan Samachar / vidya.b