சென்னை, 24 செப்டம்பர் (ஹி.ச.)

தமிழக வெற்றிக் கழகத்தின் 138-வது வட்ட இணைச் செயலாளராக பொறுப்பு வகித்து வந்த முத்துக்குமார், கட்சியின் அடிப்படை உறுப்பினர் உள்ளிட்ட அனைத்து பொறுப்புகளில் இருந்தும் நீக்கப்பட்டுள்ளதாக அரசு தலைமை கொறடா மற்றும் தென் சென்னை (கிழக்கு) மேற்கு மாவட்ட தவெக செயலாளர் ஆர். சபரிநாதன் அறிவித்துள்ளார்.

இதுதொடர்பாக அவர் வெளியிட்டுள்ள அறிவிப்பில், 138-வது வட்டத்தின் வட்ட இணைச் செயலாளராக பொறுப்பு வகித்து வந்த முத்துக்குமார், தனது செயல்பாடுகள் மற்றும் நடவடிக்கைகள் மூலம் கட்சியின் வளர்ச்சிக்கும், கட்சியை வலுப்படுத்துவதற்கும் தேவையான வகையில் செயல்படவில்லை என குறிப்பிடப்பட்டுள்ளது.

மேலும், கட்சியின் நற்பெயர் மற்றும் அமைப்பின் ஒழுங்கை கருத்தில் கொண்டு, அவரது செயல்பாடுகள் கட்சியின் நலன்களுக்கு ஏற்றதாக இல்லை என கருதப்படுவதாக தெரிவிக்கப்பட்டுள்ளது.

இதையடுத்து, முத்துக்குமார் கட்சியின் அடிப்படை உறுப்பினர் உள்ளிட்ட அனைத்து கட்சிப் பொறுப்புகளில் இருந்தும் நீக்கப்படுவதாக அறிவிக்கப்பட்டுள்ளது. இந்த நடவடிக்கை உடனடியாக அமலுக்கு வருவதாகவும் அறிவிப்பில் கூறப்பட்டுள்ளது.

மேலும், கட்சியின் அனைத்து நிர்வாகிகளும் உறுப்பினர்களும் இதனை கவனத்தில் கொண்டு, மேற்கண்ட உத்தரவை நடைமுறைப்படுத்துமாறு கேட்டுக்கொள்ளப்பட்டுள்ளனர்.

Hindusthan Samachar / ANANDHAN