சென்னை, 03 செப்டம்பர் (ஹி.ச.)

கிருஷ்ண ஜெயந்தி விழாவை முன்னிட்டு, நாளை செப்டம்பர் 4ஆம் தேதி (வெள்ளிக்கிழமை) சென்னை மெட்ரோ ரயில்கள் சனிக்கிழமை அட்டவணைப்படி இயக்கப்படும் என சென்னை மெட்ரோ ரயில் நிறுவனம் (CMRL) அறிவித்துள்ளது.

மெட்ரோ ரயில்கள் வழக்கமான சேவை நேரமான காலை 5 மணி முதல் இரவு 11 மணி வரை இயக்கப்படும். இதன்படி, பயணிகளின் தேவைக்கு ஏற்ப வெவ்வேறு நேரங்களில் ரயில்களின் இயக்க இடைவெளி நிர்ணயிக்கப்பட்டுள்ளது.

காலை 8 மணி முதல் 11 மணி வரை: 6 நிமிடங்களுக்கு ஒரு ரயில்

மாலை 5 மணி முதல் இரவு 8 மணி வரை: 6 நிமிடங்களுக்கு ஒரு ரயில்

காலை 5 மணி முதல் 8 மணி வரை: 7 நிமிடங்களுக்கு ஒரு ரயில்

காலை 11 மணி முதல் மாலை 5 மணி வரை: 7 நிமிடங்களுக்கு ஒரு ரயில்

இரவு 8 மணி முதல் 10 மணி வரை: 7 நிமிடங்களுக்கு ஒரு ரயில்

இரவு 10 மணி முதல் 11 மணி வரை: 15 நிமிடங்களுக்கு ஒரு ரயில்

கிருஷ்ண ஜெயந்தி விழாவை முன்னிட்டு சனிக்கிழமை அட்டவணைப்படி மெட்ரோ ரயில் சேவை மாற்றப்பட்டுள்ளதால், பயணிகள் அதற்கேற்ப தங்கள் பயணத்தை திட்டமிட்டுக் கொள்ளுமாறு அறிவுறுத்தப்பட்டுள்ளது.

Hindusthan Samachar / ANANDHAN