சென்னை, 03 செப்டம்பர் (ஹி.ச.)

தங்கம் விலை நாளுக்கு நாள் ஏற்ற இறக்கங்களை சந்தித்து வருகிறது. கடந்த சில நாட்களாக தங்கத்தின் விலை குறைந்து வந்தது.

அதன்படி நேற்று சென்னையில் ஆபரண தங்கத்தின் விலை கிராமுக்கு தங்கம் ரூ.225 குறைந்து ரூ.13,950-க்கும், சவரனுக்கு ரூ.1,800 குறைந்து ரூ.1,11,600-க்கும் விற்பனை செய்யப்பட்டது.

அதேபோல், 18 காரட் தங்கம் விலையும் கிராமுக்கு ரூ.225 சரிந்து ஒரு கிராம் ரூ.11,720-க்கும், சவரனுக்கு ரூ.1,800 குறைந்து ஒரு சவரன் ரூ.93,760-க்கும் விற்பனையானது.

இந்த நிலையில், இன்று தங்கத்தின் விலை அதிரடியாக உயர்ந்துள்ளது.

அதன்படி, சென்னையில் இன்று ஆபரண தங்கத்தின் விலை ஒரு கிராமுக்கு ரூ.290 உயர்ந்து ரூ.14,240-க்கும், சவரனுக்கு ரூ.2,320 உயர்ந்து ரூ.1,13,920-க்கும் விற்பனை செய்யப்படுகிறது.

அதேபோல், வெள்ளி விலையும் இன்று உயர்ந்துள்ளது. அதன்படி, ஒரு கிராம் வெள்ளி ரூ.5 உயர்ந்து ரூ.255-க்கும், ஒரு கிலோ வெள்ளி ரூ.5,000 உயர்ந்து ரூ.2,55,000-க்கும் விற்பனை செய்யப்படுகிறது.

Hindusthan Samachar / VINOTH KUMAR P