சென்னை, 03 செப்டம்பர் (ஹி.ச.)

தமிழக சட்டப்பேரவையில் இன்று சூலூர் தொகுதியின் மையப்பகுதியில் நிலவும் கடுமையான போக்குவரத்து நெரிசலை தவிர்க்க உயர்மட்ட பாலம் அமைக்க அரசு முன்வருமா என எழுப்பப்பட்ட கேள்விக்கு பொதுப் பணித் துறை அமைச்சர் ஆதவ் அர்ஜுனா பதிலளித்தார்.

இதுதொடர்பாக அவர் கூறுகையில்,

திருச்சி முதல் கோவை வரையிலான பசுமை வழித்தட திட்டத்திற்கான விரிவான திட்ட அறிக்கை தயாரிக்கும் பணி தற்போது தீவிரமாக நடைபெற்று வருகிறது என்றார்.

இந்த பசுமை வழித்தடம் அமையும் பட்சத்தில், கொங்கு மண்டலத்தின் முக்கிய தொழில் நகரங்களுக்கு இடையிலான பயண நேரம் வெகுவாக குறையும் என்பதோடு, போக்குவரத்து நெரிசலும் கணிசமாக கட்டுப்படுத்தப்படும்.

மேலும், சூலூர் நகரின் மையப்பகுதியில் போக்குவரத்து நெரிசல் அதிகரித்து வருவதை அரசு கவனத்தில் கொண்டுள்ளதாக தெரிவித்த அமைச்சர், அப்பகுதியில் உயர்மட்ட பாலம் அமைப்பதற்கான சாத்தியக்கூறுகள் குறித்து நேரில் ஆய்வு செய்து உரிய நடவடிக்கை எடுக்கப்படும் என உறுதியளித்தார்.

புறவழிச் சாலை உள்கட்டமைப்புக்காக 182 சட்டமன்ற உறுப்பினர்கள் முறைப்படி கோரிக்கை விடுத்துள்ளதாகவும், இந்தக் கோரிக்கைகளை அரசு முறையாகக் கையாண்டு வருவதாகவும் ஆதவ் அவையில் உறுதியளித்தார்.

Hindusthan Samachar / vidya.b