புதுடெல்லி, 06 செப்டம்பர் (ஹி.ச)

கிழக்கு புதுடெல்லியின் மயூர் விஹார் பேஸ் 3 பகுதியில் இன்று காலை ஒருவர் சடலமாக கிடப்பதாக நியூ அசோக் நகர் காவல் நிலைய போலீஸாருக்கு தகவல் கிடைத்துள்ளது.

இச்சம்பவம் குறித்து தகவல் கிடைத்ததும் புதுடெல்லி போலீஸ் குழுவினர் சம்பவ இடத்திற்கு விரைந்து சென்று அப்பகுதியை பாதுகாப்பு வளையத்திற்குள் கொண்டு வந்து விசாரணை மேற்கொண்டு வருகின்றனர்.

அந்த நபரின் மரணத்திற்கு வழிவகுத்த சம்பவங்கள் குறித்து அதிகாரிகள் ஆய்வு செய்து வருவதோடு, நடந்தவற்றின் வரிசையை உறுதிப்படுத்தும் பணியில் ஈடுபட்டுள்ளனர்.

உயிரிழந்தவரின் அடையாளம் மற்றும் மரணத்திற்கான காரணம் குறித்த விவரங்கள் இதுவரை வெளியிடப்படவில்லை.

இதற்கிடையே, அப்பகுதியின் பாதுகாவலரான நந்த்லால் யாதவ் என்பவர் இச்சம்பவத்தை நேரில் பார்த்ததாகக் கூறியுள்ளார்.

சம்பவ இடத்தில் இரண்டு பேர் இருந்ததாகவும், தான் தடுக்க முயன்றபோது தன்னை கொலை செய்துவிடுவதாக அவர்கள் மிரட்டியதாகவும் அவர் குற்றம் சாட்டியுள்ளார்.

நந்த்லால் யாதவ் கூறுகையில், அதிகாலை 4 மணிக்கு சிலரைப் பார்த்தேன்.

என்னைக் கொலை செய்துவிடுவதாகக் கூட அவர்கள் மிரட்டினார்கள். அவர்கள் இரண்டு பேர் இருந்தனர் என்று அவர் தெரிவித்துள்ளார்.

விசாரணை தொடர்ந்து நடைபெற்று வரும் நிலையில், மேலதிக விவரங்கள் விரைவில் வெளியாகும் என எதிர்பார்க்கப்படுகிறது.

Hindusthan Samachar / vidya.b