சென்னை, 08 செப்டம்பர் (ஹி.ச.)

மதுராந்தகம் மற்றும் தாராபுரம் சட்டமன்றத் தொகுதிகளுக்கான இடைத்தேர்தலில் அதிமுக சார்பில் போட்டியிட விரும்பும் கட்சி நிர்வாகிகளிடமிருந்து விருப்ப மனுக்கள் பெறும் பணி இன்று தொடங்கியுள்ளது.

இதற்கான அறிவிப்பை அதிமுக பொதுச்செயலாளர் எடப்பாடி பழனிசாமி வெளியிட்டுள்ளார்.

தமிழகத்தில் காலியாக உள்ள 7 சட்டமன்றத் தொகுதிகளில், மதுராந்தகம் (தனி), தாராபுரம் (தனி) ஆகிய இரு தொகுதிகளுக்கு மட்டும் அக்டோபர் 6-ஆம் தேதி இடைத்தேர்தல் நடைபெறுகிறது.

இதையடுத்து, அதிமுக சார்பில் வேட்பாளர்களாக போட்டியிட விரும்பும் கட்சி உடன்பிறப்புகள் செப்டம்பர் 8 முதல் 10-ஆம் தேதி வரை விருப்ப மனுக்களைப் பெற்று சமர்ப்பிக்கலாம் என அறிவிக்கப்பட்டுள்ளது.

சென்னை ராயப்பேட்டையில் உள்ள அதிமுக தலைமை அலுவலகத்தில் தினமும் காலை 10 மணி முதல் மாலை 6 மணி வரை விருப்ப மனுக்கள் வழங்கப்படும். மனுவில் கேட்கப்பட்டுள்ள அனைத்து விவரங்களையும் பூர்த்தி செய்து, செப்டம்பர் 10-ஆம் தேதி மாலை 6 மணிக்குள் தலைமை அலுவலகத்தில் சமர்ப்பிக்க வேண்டும் என எடப்பாடி பழனிசாமி தெரிவித்துள்ளார்.

மதுராந்தகம் மற்றும் தாராபுரம் தொகுதிகளுக்கான வேட்புமனு தாக்கல் செப்டம்பர் 9-ஆம் தேதி தொடங்கி, செப்டம்பர் 16-ஆம் தேதி நிறைவடைகிறது.

செப்டம்பர் 17-ஆம் தேதி வேட்புமனுக்கள் பரிசீலனை செய்யப்பட உள்ள நிலையில், செப்டம்பர் 19-ஆம் தேதி மனுக்களைத் திரும்பப் பெற கடைசி நாளாகும்.

அக்டோபர் 6-ஆம் தேதி வாக்குப்பதிவும், அக்டோபர் 9-ஆம் தேதி வாக்கு எண்ணிக்கையும் நடைபெற உள்ளது.

Hindusthan Samachar / ANANDHAN