சென்னை , 22 ஏப்ரல் (ஹி.ச.)

சிறுத்தை சிவா இயக்கத்தில் அஜித் நடிப்பில் கடந்த 2014 ஆம் ஆண்டு ஜனவரி 10 ஆம் தேதி வெளியாகி வெற்றி பெற்ற படம் ‘வீரம்’. விஜயா புரொடக்‌ஷன்ஸ் நிறுவனம் சார்பில் பி.வெங்கட்ராம ரெட்டி தயாரித்த இப்படத்தில் தமன்னா நாயகியாக நடிக்க, விதார்த், பாலா, சந்தானம், நாசர், தம்பி ராமையா, அவினாஷ், அப்புகுட்டி என பல முன்னணி நட்சத்திரங்கள் நடித்திருக்கிறார்கள்.

இந்த நிலையில், அஜித்தின் பிறந்தநாளை முன்னிட்டு வரும் மே மாதம் 1 ஆம் தேதி, ‘வீரம்’ திரைப்படத்தை படக்குழு மீண்டும் வெளியிடுகிறது. இதற்கான அறிவிப்பை படக்குழு சமீபத்தில் அதிகாரப்பூர்வமாக அறிவித்ததுடன், படத்தின் பாடல்கள் மற்றும் டீசர்கள் வெளியிட்டு விளம்பர பணிகளையும் தீவிரமாக மேற்கொண்டு வருகிறது.

கடந்த ஏப்ரல் 10 ஆம் தேதி அஜித்தின் நடிப்பில் வெளியான ‘குட் பேட் அக்லி’ திரைப்படம் ரூ.200 கோடி வசூலை கடந்து வெற்றிகரமாக திரையரங்குகளில் ஓடிக்கொண்டிருக்கும் நிலையில், மே 1 ஆம் தேதி வெளியாகும் ‘வீரம்’ படம் அஜித் ரசிகர்களுக்கு இரட்டிப்பு மகிழ்ச்சியை அளித்துள்ளது.

Hindusthan Samachar / J. Sukumar