மும்பை, 20 ஆகஸ்ட் (ஹி.ச.)

கடந்த இரண்டு நாட்களாக மும்பையில் தொடர் கனமழை பெய்து வருவதால் மக்களின் இயல்பு நிலை பாதிக்கப்பட்டுள்ளது.

குறிப்பாக தொடர் மழையால் ஏற்பட்டுள்ள வெள்ளப் பெருக்கினால் மக்கள் மிகவும் பாதிக்கப்பட்டுள்ளனர்.

மழை பாதிப்பினால் ஒருவர் உயிரிழந்துள்ள நிலையில், 3 பேர் காயமடைந்திருப்பதாக சொல்லப்படுகிறது.

இந்த நிலையில், இன்றும் மும்பையில் கனமழை பெய்யக்கூடும் என்று இந்திய வானிலை ஆய்வு மையம் எச்சரித்துள்ளது.

குறிப்பாக அடுத்த 3 மணி நேரத்திற்கு மும்பையில் சிவப்பு எச்சரிக்கை விடப்பட்டுள்ளது.

இதையடுத்து மக்கள் பாதுகாப்பான இடங்களில் இருக்குமாறு அறிவுறுத்தப்பட்டுள்ளனர்.

Hindusthan Samachar / J. Sukumar