சென்னை, 29 ஜனவரி (ஹி.ச.)

இந்தியாவில் ஒவ்வொரு ஆண்டும் ஜனவரி 29-ஆம் தேதி 'இந்திய செய்தித்தாள் தினமாக' கொண்டாடப்படுகிறது.

வரலாற்றுப் பின்னணி:

இந்தியாவின் முதல் செய்தித்தாளான 'பெங்கால் கெசட்', 1780-ஆம் ஆண்டு ஜனவரி 29 அன்று அயர்லாந்தைச் சேர்ந்த ஜேம்ஸ் அகஸ்டஸ் ஹிக்கி என்பவரால் கொல்கத்தாவில் தொடங்கப்பட்டது.

இது 'ஹிக்கியின் பெங்கால் கெசட்' அல்லது 'கல்கத்தா ஜெனரல் அட்வர்டைசர்' என்றும் அழைக்கப்பட்டது.

முக்கியத்துவம்:

பத்திரிகைத்துறை ஜனநாயகத்தின் நான்காவது தூணாகக் கருதப்படுகிறது. உண்மைத் தகவல்களை மக்களிடம் கொண்டு சேர்ப்பதில் செய்தித்தாள்கள் முக்கியப் பங்கு வகிக்கின்றன.

பிரிட்டிஷ் ஆட்சிக் காலத்தில் மக்களின் உரிமைகளுக்காகவும், சமூக மாற்றத்திற்காகவும் செய்தித்தாள்கள் ஒரு வலிமையான கருவியாகப் பயன்படுத்தப்பட்டன.

மாணவர்கள் மற்றும் போட்டித் தேர்வுகளுக்குத் தயாராகுபவர்களுக்கு உலக நடப்புகள், பொது அறிவு மற்றும் மொழித் திறனை வளர்க்க செய்தித்தாள் வாசிப்பு இன்றியமையாதது.

இந்தியாவின் முதல் செய்தித்தாள் வெறும் 4 பக்கங்களைக் கொண்டு வார இதழாக வெளிவந்தது.

சுதந்திரப் போராட்ட காலத்தில் தி ஹிந்து, டைம்ஸ் ஆஃப் இந்தியா மற்றும் சுதேசமித்திரன் போன்ற நாளிதழ்கள் மக்களின் உணர்வுகளைத் தூண்டுவதில் முக்கியப் பங்காற்றின.

டிஜிட்டல் யுகத்திலும், நம்பகமான செய்திகளைத் தெரிந்துகொள்ள பலரும் இன்றும் அச்சு ஊடகங்களையே நம்பியுள்ளனர்.

தகவல் தொழில்நுட்பம் வளர்ந்த இன்றைய காலக்கட்டத்திலும், ஒரு செய்தியின் உண்மைத்தன்மையை உறுதிப்படுத்த செய்தித்தாள்கள் பெரும் உதவியாக இருக்கின்றன.

இந்த தினத்தில் செய்தித்தாள் வாசிக்கும் பழக்கத்தை இளைய தலைமுறையினரிடம் ஊக்குவிப்பது அவசியமாகும்.

Hindusthan Samachar / JANAKI RAM