ஆந்திரா, 10 அக்டோபர் (ஹி.ச.)

ஆந்திர மாநிலத்தில் காங்கிரஸ் கட்சி அலுவலகம், முக்கிய சாலை சந்திப்புகள் மற்றும் தனது விஜயவாடா இல்லம் அருகே ஏராளமான காவல்துறையினர் குவிக்கப்பட்டுள்ளதாகக் கூறி, ஆந்திர முதல்வர் சந்திரபாபு நாயுடுவுக்கு மாநில காங்கிரஸ் கமிட்டித் தலைவர் ஒய்.எஸ். ஷர்மிளா கேள்வி எழுப்பியுள்ளார்.

இதுதொடர்பாக அவர் வெளியிட்டுள்ள எக்ஸ் பதிவில்,

காலை வணக்கம் முதல்வர் அவர்களே! காங்கிரஸ் கட்சி அலுவலகம், நகரின் முக்கியச் சந்திப்புகள் மற்றும் எனது விஜயவாடா இல்லம் அருகே ஏராளமான காவல்துறையினர் பணியில் ஈடுபடுத்தப்பட்டுள்ளதாகத் தகவல்கள் தெரிவிக்கின்றன. என்ன விஷயம் முதல்வர் அவர்களே? ஏன் இரவு முழுவதும் தூக்கமின்றித் தவிக்கிறீர்கள்? இவை அனைத்தும் பாஜகவின் சேவைக்காகவா?” எனக் கேள்வி எழுப்பியுள்ளார்.

மேலும், “நிம்மதியாக இருங்கள்! நாங்கள் காங்கிரஸ் கட்சியினர். அச்சுறுத்தலை அல்ல, ஜனநாயகத்தை நம்புகிறோம். காவல்துறையின் அதிகாரத்தை அல்ல, மக்களின் சக்தியை நம்புகிறோம். மக்கள் மீது நம்பிக்கை வைப்பதைவிட எதிர்க்கட்சியைக் கண்டு அரசு அஞ்சும்போது, ஏதோ தீவிரமான தவறு நடக்கிறது என்பதைப் புரிந்துகொள்ளலாம்.

எனவே, முதல்வர் அவர்களே, இங்கு தூக்கத்தை இழந்திருப்பது யார்?” என்றும் ஷர்மிளா தனது பதிவில் குறிப்பிட்டுள்

ளார்.

Hindusthan Samachar / VINOTH KUMAR P