சென்னை, 10 அக்டோபர் (ஹி.ச.)

டெல்லியில் அமைதியான முறையில் போராடுபவர்கள் மீது நடத்தப்படும் அடக்குமுறைகள், தான் வாழ்ந்த நெருக்கடி நிலை காலத்தின் வேதனையான நினைவுகளை மீண்டும் கொண்டு வருவதாக திமுக தலைவர் மு.க.ஸ்டாலின் தெரிவித்துள்ளார்.

இதுதொடர்பாக அவர் தனது எக்ஸ் தளத்தில் வெளியிட்டுள்ள பதிவில்,

டெல்லியிலும் நாடு முழுவதிலும் தடுத்து வைக்கப்பட்டுள்ள அரசியல் தலைவர்கள், மாணவர்கள் மற்றும் இளம் போராட்டக்காரர்கள் அனைவரையும் உடனடியாக விடுவிக்க வேண்டும் என்று வலியுறுத்தியுள்ளார்.

தமிழ்நாட்டில் திமுக அரசு, பாஜகவின் நீட்சியாகச் செயல்பட்டு போராடும் மாணவர்களுக்கு எதிராகக் காவல்துறை அடக்குமுறையை ஏவுவதாகக் குற்றம்சாட்டியுள்ள அவர், இதனை வன்மையாகக் கண்டிப்பதாகவும் குறிப்பிட்டுள்ளார்.

ஜனநாயக உரிமையான அமைதியான போராட்டத்தில் ஈடுபடும் இளைஞர்கள் மீதான தாக்குதலை மத்திய அரசு உடனடியாக நிறுத்த வேண்டும் என்றும் அவர் வலியுறுத்தியுள்ளார். கருத்து வேறுபாடு என்பது குற்றமல்ல என்றும், ஜனநாயகத்தைப் பாதுகாக்கக் குரல் கொடுப்பவர்களை ஒடுக்குவதன் மூலம் ஜனநாயகத்தை நிலைநாட்ட முடியாது என்றும் தனது பதிவில் தெரிவித்துள்ளார்.

மேலும், தலைமைத் தேர்தல் ஆணையர் ஞானேஷ் குமாரின் ராஜினாமா குறித்த கோரிக்கை பேச்சுவார்த்தைக்கு உட்பட்டதல்ல என்று குறிப்பிட்டுள்ள மு.க.ஸ்டாலின், அதைக் கடந்து தேர்தல் ஆணையத்தின் நிறுவனக் கட்டமைப்புக்கு ஏற்பட்டுள்ள பாதிப்புகளைச் சரிசெய்து, அதன் சுதந்திரத்தையும் நேர்மையையும் மீட்டெடுக்க வேண்டும் என்றும் வலியுறுத்தியுள்ளார்.

Hindusthan Samachar / P YUVARAJ