புதுடெல்லி, 12 அக்டோபர் (ஹி.ச.)

வாக்காளர் பட்டியல் சிறப்பு தீவிர திருத்தப் பணியில் முறைகேடுகள் நடைபெற்றதாகக் கூறி, தலைமைத் தேர்தல் ஆணையர் ஞானேஷ் குமார் பதவி விலக வேண்டும் என வலியுறுத்தி, கரப்பான் ஜனதா கட்சி (சிஜேபி) அமைப்பினர் கடந்த 10-ஆம் தேதி டெல்லி ஜந்தர் மந்தரில் போராட்டத்தில் ஈடுபட்டனர்.

இந்தப் போராட்டத்தின் காரணமாகத் தலைநகர் டெல்லியில் சாலைப் போக்குவரத்து, ரயில் மற்றும் மெட்ரோ ரயில் சேவைகளில் கடுமையான பாதிப்புகள் ஏற்பட்டதாகத் தெரிவிக்கப்பட்டுள்ளது.

இதற்கிடையில், ஜந்தர் மந்தரில் தொடர்ந்து போராட்டங்களை நடத்த அந்த அமைப்பினர் திட்டமிட்டிருந்ததாகவும் கூறப்படுகிறது.

இந்நிலையில், ஜந்தர் மந்தரில் இனி போராட்டம் நடத்த அனுமதி வழங்கப்படாது என டெல்லி போலீசார் அறிவித்துள்ளதாகத் தகவல் வெளியாகியுள்ளது.

மேலும், போராட்டங்களை நடத்த அனுமதிக்கப்பட்ட இடங்களின் பட்டியலில் இருந்தும் ஜந்தர் மந்தர் நீக்கப்பட்டுள்ளதாகக் கூறப்படுகிறது.

இந்த நடவடிக்கை, டெல்லியில் போராட்டம் நடத்துவதற்கான நடைமுறைகளில் முக்கியமான மாற்றமாகப் பார்க்கப்படுகிறது.

மத்திய உள்துறை அமைச்சகக் குழுவின் பரிந்துரையின் அடிப்படையில், டெல்லியில் போராட்டம் நடத்துவதற்கு மூன்று இடங்கள் அறிவிக்கப்பட்டுள்ளதாகத் தெரிவிக்கப்பட்டுள்ளது.

அதன்படி, ராம் லீலா மைதானம், புராரி மைதானம் மற்றும் கிழக்கு டெல்லியில் உள்ள சிபிடி மைதானம் ஆகிய இடங்களில் உரிய அனுமதி பெற்று போராட்டங்களை நடத்தலாம் என டெல்லி போலீசார் அறிவித்துள்ளனர்.

Hindusthan Samachar / LOGESHWARI V