மும்பை, 15 அக்டோபர் (ஹி.ச.)

தலைமைத் தேர்தல் ஆணையருக்கு எதிராக கடந்த அக்டோபர் 10-ஆம் தேதி டெல்லியில் போராட்டம் நடத்த முயன்ற கரப்பான்பூச்சி அமைப்பைச் சேர்ந்தவர்கள் கைது செய்யப்பட்டதாகத் தகவல்கள் தெரிவிக்கின்றன.

இதேபோன்று, மும்பையில் உள்ள கிராந்தி மைதானத்தில் நடைபெறவிருந்த போராட்டத்திலும் பரபரப்பு ஏற்பட்டது.

இந்தப் போராட்டத்தில் பங்கேற்க முயன்றதாகக் கூறப்படும் இந்தி நடிகர் இம்ரான் கானையும் போலீசார் கைது செய்தனர்.

அவரைக் கைது செய்து போலீஸ் வாகனத்தில் அமர வைத்திருந்த புகைப்படத்தையும் அவர் சமூக வலைதளத்தில் பகிர்ந்திருந்ததாகக் கூறப்படுகிறது.

இந்நிலையில், நடிகர் இம்ரான் கானுக்கு மும்பை போலீசார் இந்தியாவை விட்டு வெளியேறுமாறு நோட்டீஸ் அனுப்பியுள்ளதாகத் தகவல் வெளியாகியுள்ளது.

அவர் அமெரிக்கக் குடியுரிமை பெற்றிருப்பதால், இந்தியக் குடிமகனாகக் கருதப்பட மாட்டார் எனக் கூறப்படுகிறது.

வெளிநாட்டினர் இந்தியாவில் தங்குவதற்கும், அவர்களின் செயல்பாடுகளுக்கும் பொருந்தும் குடியேற்ற விதிமுறைகள் அடிப்படையில் இந்த நடவடிக்கை எடுக்கப்பட்டுள்ளதாகத் தகவல்கள் தெரிவிக்கின்றன.

வெளிநாட்டினர் இந்தியாவில் அரசியல் சார்ந்த போராட்டங்களில் பங்கேற்பது தொடர்பாகக் கட்டுப்பாடுகள் இருப்பதாகக் கூறப்படும் நிலையில், நடிகர் இம்ரான் கானுக்கு அக்டோபர் 28-ஆம் தேதிக்குள் இந்தியாவை விட்டு வெளியேறுமாறு காலக்கெடு விதிக்கப்பட்டுள்ளதாகச் செய்திகள் வெளியாகியுள்ளன.

Hindusthan Samachar / LOGESHWARI V