சென்னை, 22 அக்டோபர் (ஹி.ச.)

மத்திய உள்துறை அமைச்சர் அமித் ஷாவின் பிறந்தநாளை முன்னிட்டு, அம்மா மக்கள் முன்னேற்றக் கழகப் பொதுச்செயலாளர் டிடிவி தினகரன் தனது வாழ்த்துகளைத் தெரிவித்துள்ளார்.

இதுதொடர்பாக அவர் தனது எக்ஸ் தளப் பதிவில்,

மத்திய உள்துறை அமைச்சர் அமித் ஷாவுக்கு எனது இதயம் கனிந்த பிறந்தநாள் வாழ்த்துகள். நாட்டின் உள்நாட்டுப் பாதுகாப்பை வலுப்படுத்துவதிலும், இந்தியாவின் ஒற்றுமை மற்றும் ஒருமைப்பாட்டைப் பாதுகாப்பதிலும் அவர் ஆற்றி வரும் அர்ப்பணிப்பான பணி பாராட்டுக்குரியது.

அவர் நல்ல உடல்நலத்துடனும், நீண்ட ஆயுளுடனும் வாழவும், மக்களுக்கும் நாட்டிற்கும் தொடர்ந்து சேவையாற்றுவதற்கான வலிமையைப் பெறவும் இறைவன் அருள்புரியட்டும்” எனத் தெரிவித்துள்ளார்.

அமித் ஷாவின் பிறந்தநாளான அக்டோபர் 22-ஆம் தேதி, பிரதமர் நரேந்திர மோடி உள்ளிட்ட பல்வேறு தலைவர்களும் அவருக்கு வாழ்த்துகளைத் தெரிவித்து வருகின்றனர். கடந்த ஆண்டும் தமிழக அரசியல் தலைவர்கள் அமித் ஷாவுக்குப் பிறந்தநாள் வாழ்த்துகளைத் தெரிவித்திருந்தனர்.

அமித் ஷாவின் பிறந்தநாளையொட்டி, நாட்டின் பாதுகாப்பு மற்றும் ஒற்றுமையை வலியுறுத்தும் வகையில் டிடிவி தினகரன் வெளியிட்டுள்ள இந்தப் பதிவு கவனம் பெற்றுள்ளது.

Hindusthan Samachar / GOKILA arumugam