புதுடெல்லி, 22 அக்டோபர் (ஹி.ச.)

டெல்லி திகார் சிறையில் இருந்து விடுதலையான சில மணி நேரத்திலேயே CJP செயற்பாட்டாளர்கள் சௌரவ் தாஸ், ஆஷுதோஷ் ரங்காவுக்கு டெல்லி காவல்துறை கிரைம் பிராஞ்ச் மீண்டும் சம்மன் அனுப்பியுள்ளது.

நேற்று மாலை 8.30 மணிக்கு சிறையை விட்டு வெளியே வந்தபோதே இருவருக்கும் நோட்டீஸ் வழங்கப்பட்டதாக கூறப்படுகிறது.

இன்று மதியம் 12 மணிக்கு ராஜோரி கார்டனில் உள்ள கிரைம் பிராஞ்ச் அலுவலகத்தில் விசாரணைக்கு ஆஜராகுமாறு உத்தரவிடப்பட்டுள்ளது.

CJP நிர்வாகி அஜிங்கியா ஷிண்டேவுக்கும் சம்மன் அனுப்பப்பட்டுள்ளது.

அக்டோபர் 13 அன்று தடை செய்யப்பட்ட ஜந்தர் மந்தரில் தேசியக் கொடி ஏந்தி போராட்டம் நடத்தியது தொடர்பாக இரு வழக்குகள் பதிவு செய்யப்பட்டுள்ளன.

கன்னாட் பிளேஸ் காவல் நிலையத்தில் BNS 223 பிரிவின் கீழ் அரசு உத்தரவை மீறுதல், அத்துமீறி நுழைதல், சதி மற்றும் பார்லிமென்ட் தெரு காவல் நிலையத்தில் அரசு ஊழியரை தாக்குதல் ஆகிய பிரிவுகளில் வழக்கு பதிவுசெய்யப்பட்டுள்ளது.

இரு வழக்குகளும் தற்போது கிரைம் பிராஞ்சுக்கு மாற்றப்பட்டுள்ள நிலையில், 7 நாள் காவலுக்கு பின் இருவருக்கும் ஜாமீன் கிடைத்த நிலையில், தற்போது மீண்டும் விசாரணை தொடங்கியுள்ளது.

Hindusthan Samachar / LOGESHWARI V