புதுடெல்லி, 26 அக்டோபர் (ஹி.ச.)

காங்கிரஸ் தலைவர் மல்லிகார்ஜுன கார்கேவின் கருத்துகள் தொடர்பாக, மத்திய பாதுகாப்புத் துறை அமைச்சர் ராஜ்நாத் சிங் தனது கண்டனத்தைத் தெரிவித்துள்ளார்.

இதுகுறித்து அவர் கூறுகையில்,

இது ஒரு தனிநபரையோ அல்லது ஒரு குடும்பத்தையோ அவமதிக்கும் செயல் மட்டுமல்ல; ஒட்டுமொத்த இந்தியாவையும் அவமதிக்கும் செயலாகும். மேலும், அரசியலின் கண்ணியத்திற்கும் பாதிப்பை ஏற்படுத்துகிறது.

ஜனநாயகத்தில் ஒருவர் தனது எதிர்ப்பைப் பதிவு செய்யலாம், அரசின் கொள்கைகளைக் கேள்வி கேட்கலாம், அரசாங்கத்தை விமர்சிக்கலாம். ஆனால், தனிப்பட்ட மரியாதை மற்றும் கண்ணியத்தின் எல்லைகளை யாரும் கடக்கக் கூடாது என்பதே எனது வேண்டுகோள்.

இன்றைய நிலையில், காங்கிரஸ் கட்சி அரசியல் ரீதியாக மட்டுமல்லாமல், கருத்தியல் ரீதியாகவும் வீழ்ச்சியைச் சந்தித்து வருவதாக நான் கருதுகிறேன்.

ஜனநாயகத்தில் மக்கள் அனைத்தையும் கவனித்துக் கொண்டிருக்கிறார்கள் என்பதை காங்கிரஸ் கட்சி நினைவில் கொள்ள வேண்டும். சரியான நேரம் வரும்போது, மக்கள் தகுந்த பதிலடி கொடுப்பார்கள்.

இதுபோன்ற கருத்துகளால் பிரதமர் நரேந்திர மோடியின் உறுதியை அசைக்க முடியாது என்பதையும் காங்கிரஸ் கட்சிக்குத் தெளிவுபடுத்த விரும்புகிறேன்.

மக்களுக்குச் சேவையாற்ற வேண்டும் என்ற பிரதமரின் உறுதியையும் இத்தகைய கருத்துகளால் எந்த வகையிலும் பலவீனப்படுத்த முடியாது” என்று ராஜ்நாத் சிங் தெரிவித்துள்ளார்.

Hindusthan Samachar / LOGESHWARI V