ஒடிசா, 27 அக்டோபர் (ஹி.ச.)

ஒடிசா மாநிலம், கோராபுட் மாவட்டத்தில் உள்ள கோட்டியா கிராமங்களை உள்ளடக்கிய நீண்டகால மாநிலங்களுக்கு இடையேயான எல்லைப் பிரச்சினையைத் தீர்ப்பது தொடர்பாக, ஒடிசா முதல்வர் மோகன் சரண் மாஜி, பிஜு ஜனதா தளம் (பிஜேடி) கட்சித் தலைவரும், சட்டப்பேரவை எதிர்க்கட்சித் தலைவருமான நவீன் பட்நாயக்கிற்குக் கடிதம் எழுதியுள்ளார்.

இந்தக் கடிதத்தில், 1936-ஆம் ஆண்டு ஒடிசா மாநிலம் உருவாக்கப்பட்ட காலத்திலிருந்தே கோட்டியா கிராமங்கள் அந்த மாநிலத்தின் ஒருங்கிணைந்த பகுதியாக இருந்து வருவதாக முதல்வர் மோகன் சரண் மாஜி குறிப்பிட்டுள்ளார்.

மேலும், மாநிலத்தின் பிராந்திய உரிமைகளையும் எல்லைப் பகுதிகளையும் பாதுகாப்பதில் தனது அரசு உறுதியாக இருப்பதாகவும் அவர் தெரிவித்துள்ளார்.

நீண்டகாலமாக நீடித்து வரும் இந்த முக்கியமான எல்லைப் பிரச்சினைக்குத் தீர்வு காண்பதில் ஆக்கப்பூர்வமான அணுகுமுறையைக் கடைப்பிடிக்க வேண்டும் என்றும், இந்த விவகாரத்தில் அரசின் பரிசீலனைக்காகத் தமது ஒத்துழைப்பை வழங்க வேண்டும் என்றும் நவீன் பட்நாயக்கை முதல்வர் மாஜி கேட்டுக்கொண்டுள்ளார்.

ஒடிசா மற்றும் அண்டை மாநிலத்திற்கு இடையேயான எல்லைப் பிரச்சினையில் கோட்டியா கிராமங்கள் முக்கியப் பங்கு வகிக்கும் நிலையில், இந்த விவகாரத்திற்குத் தீர்வு காண அரசியல் ரீதியான ஒத்துழைப்பைப் பெறும் நோக்கில் முதல்வர் இந்தக் கடிதத்தை எழுதியுள்ளார்.

Hindusthan Samachar / LOGESHWARI V