புதுடெல்லி, 31 அக்டோபர் (ஹி.ச.)

சர்தார் வல்லபாய் படேல் குறித்து மத்திய உள்துறை அமைச்சர் அமித் ஷா தெரிவித்த கருத்துகளுக்குப் பதிலளித்த மத்தியப் பிரதேச காங்கிரஸ் தலைவர் ஜீத்து பட்வாரி, பாஜக வரலாற்று உண்மைகளைத் திரித்துக் கூறி நாடு முழுவதும் குழப்பத்தை ஏற்படுத்தி வருவதாகக் குற்றம்சாட்டியுள்ளார்.

இதுகுறித்து செய்தியாளர்களிடம் பேசிய அவர்,

காங்கிரஸ் கட்சியில் இருந்து நாட்டிற்காகப் பணியாற்றிய தலைசிறந்த தலைவர்களின் வரலாற்றையும், அவர்கள் நாட்டுக்காகத் தங்களது வாழ்நாள் முழுவதையும் அர்ப்பணித்ததையும் பாஜக தொடர்ந்து தவறாகச் சித்தரித்து வருகிறது. வரலாற்று உண்மைகளைத் திரித்து, மக்களிடையே குழப்பத்தையும் தவறான புரிதலையும் ஏற்படுத்த முயற்சிக்கின்றனர்.

அந்தக் காலகட்டத்தில் ஆர்.எஸ்.எஸ். அமைப்புக்குத் தடை விதித்தது காங்கிரஸ் கட்சிதான் என்பதை உள்துறை அமைச்சர் அமித் ஷா வசதியாக மறந்துவிட்டார். நாட்டின் ஒற்றுமை மற்றும் ஒருமைப்பாட்டைப் பாதுகாக்க அப்போது எடுக்கப்பட்ட உறுதியான நடவடிக்கைகள் குறித்தும் அவர் குறிப்பிடவில்லை.

ஆனால், தற்போதைய அரசு நாட்டின் ஒற்றுமையை வளர்ப்பதற்குப் பதிலாக வெறுப்புணர்வை வளர்த்து வருகிறது.

மணிப்பூர் மாநிலத்திற்குச் செல்லும் விவகாரத்தில் மட்டும் சர்தார் வல்லபாய் படேலின் கொள்கைகளையும், நாட்டின் ஒற்றுமை குறித்த அவரது சிந்தனைகளையும் அமித் ஷா நினைவில் கொள்ளவில்லையா? என்று ஜீத்து பட்வாரி கேள்வி எழுப்பியுள்ளார்.

Hindusthan Samachar / LOGESHWARI V