சென்னை, 05 அக்டோபர் (ஹி.ச.)

தமிழக முதலமைச்சர் விஜய் தலைமையிலான ஆட்சி குறித்து மதுராந்தகம் தொகுதி திமுக வேட்பாளர் பரந்தாமன் கடுமையான விமர்சனங்களை முன்வைத்துள்ளார்.

சென்னை அண்ணா அறிவாலயத்தில் செய்தியாளர்களை சந்தித்த பரந்தாமன்,

மதிமுகவில் இருந்து விலகி திமுகவில் இணைந்து சட்டப்பேரவை உறுப்பினர்களாக உள்ள ராஜேந்திரன் மற்றும் செந்தில் செல்வன் ஆகியோருக்கு எதிராக அரசியல் ரீதியாக அழுத்தம் கொடுக்கப்படுவதாக குற்றம்சாட்டினார்.

இரு எம்எல்ஏக்களும் தங்களுக்கு அளிக்கப்படுவதாகக் கூறப்படும் நெருக்கடி தொடர்பாக லஞ்ச ஒழிப்புத்துறையில் புகார் அளித்துள்ளதாகவும் பரந்தாமன் தெரிவித்தார்.

மேலும், இந்த இரு எம்எல்ஏக்களையும் பதவியில் இருந்து விலகச் செய்வது தொடர்பாக தவெக தரப்பினர் மதிமுக பொதுச்செயலாளர் வைகோவுடன் பேச்சுவார்த்தை நடத்தியதாகவும் அவர் கூறினார்.

எப்படியாவது பேச்சுவார்த்தை நடத்தி இரு எம்எல்ஏக்களையும் ராஜினாமா செய்ய வைப்பதாக வைகோ, விஜய்யிடம் உறுதியளித்ததாக பரந்தாமன் குற்றம்சாட்டினார்.

இரு எம்எல்ஏக்களையும் பதவி விலகச் செய்வதற்கான முயற்சிகள் நடைபெறுவதாகவும் அவர் தெரிவித்தார்.

மேலும், எதிர்க்கட்சிகளைச் சேர்ந்த எம்எல்ஏக்களை பதவி விலகச் செய்து, அதன் மூலம் தொகுதிகளில் இடைத்தேர்தல் நடத்தும் சூழலை உருவாக்கி தனிப்பெரும்பான்மையை பெற முயற்சி மேற்கொள்ளப்படுவதாகவும் பரந்தாமன் குற்றம்சாட்டினார்.

“இரு எம்எல்ஏக்களையும் ராஜினாமா செய்ய வைப்பதாக வைகோ உறுதியளித்ததற்கு அவர்களே சாட்சி” என்றும் அவர் தெரிவித்தார். இதன் மூலம் தமிழகத்தில் தவெக ஆட்சி ஊழலை அடிப்படையாகக் கொண்டு நடைபெறுவதாக பரந்தாமன் விமர்சனம் செய்தார்.

பரந்தாமன் முன்வைத்துள்ள இந்தக் குற்றச்சாட்டுகள் தொடர்பாக தவெக தரப்பின் பதில் வெளியாகவில்லை. சம்பந்தப்பட்ட தரப்புகளின் விளக்கம் வெளியானால் மட்டுமே குற்றச்சாட்டுகள் தொடர்பான முழுமையான நிலைப்பாடு தெரியவரும். என்றார்.

Hindusthan Samachar / LOGESHWARI V