திருமலை, 05 அக்டோபர் (ஹி.ச.)

திருமலைக்கு வந்த இந்திய கிரிக்கெட் அணியின் முன்னாள் தொடக்க ஆட்டக்காரர் ஷிகர் தவன், அதிகாலை நடைபெற்ற சுப்ரபாத சேவையில் பங்கேற்று ஏழுமலையான் சுவாமியை வழிபட்டார்.

கோயில் நடை திறக்கப்பட்ட பின்னர் நடைபெறும் முக்கிய சேவைகளில் ஒன்றான சுப்ரபாத சேவையில் கலந்து கொண்டு அவர் சுவாமியை தரிசித்தார்.

தரிசனத்தைத் தொடர்ந்து, கோயில் வளாகத்தில் உள்ள ரங்கநாயகர் மண்டபத்தில் ஷிகர் தவனுக்கு வேத பண்டிதர்கள் வேத மந்திரங்கள் முழங்க ஆசீர்வாதம் வழங்கினர்.

பின்னர், திருமலை திருப்பதி தேவஸ்தானம் சார்பில் அதிகாரிகள் ஷிகர் தவனை கௌரவித்தனர். அவருக்கு சுவாமியின் பட்டு வஸ்திரம் அணிவிக்கப்பட்டு, தீர்த்தம் மற்றும் பிரசாதங்கள் வழங்கப்பட்டன.

திருமலைக்கு வந்திருந்த பக்தர்கள் மற்றும் பொதுமக்கள், ஷிகர் தவனை பார்த்ததும் அவரை அடையாளம் கண்டு ஆர்வத்துடன் கவனித்தனர். அவருடன் புகைப்படம் எடுக்கவும் பலர் ஆர்வம் காட்டியதாகத் தெரிவிக்கப்பட்டுள்ளது.

இந்திய அணியின் முன்னாள் தொடக்க வீரரான ஷிகர் தவன், சர்வதேச கிரிக்கெட்டில் இந்திய அணிக்காக நீண்ட காலம் விளையாடியவர்.

குறிப்பாக ஒருநாள் போட்டிகளில் தொடக்க வீரராக சிறப்பான ஆட்டத்தை வெளிப்படுத்திய அவர், இந்திய கிரிக்கெட் ரசிகர்களிடையே தனி வரவேற்பைப் பெற்றவர்.

தற்போது சர்வதேச கிரிக்கெட்டில் இருந்து ஓய்வு பெற்றுள்ள நிலையில், ஷிகர் தவன் அவ்வப்போது பல்வேறு நிகழ்ச்சிகளில் பங்கேற்று வருகிறார். இந்த நிலையில், குடும்பத்தினருடன் திருமலைக்கு வந்த அவர், அதிகாலை சுப்ரபாத சேவையில் பங்கேற்று ஏழுமலையானை தரிசித்துள்ளார்.

Hindusthan Samachar / LOGESHWARI V