டெல்டாவில் சம்பா பயிர்களைக் காப்பாற்ற விவசாயிகள் விலைக்கு தண்ணீர் வாங்கும் அவலம் - டி.ஆர்.பி.ராஜா கண்டனம்
சென்னை, 21 நவம்பர் (ஹி.ச.) டெல்டா மாவட்டங்களில் சம்பா பயிர்களைக் காப்பாற்ற விவசாயிகள் சொந்தப் பணத்தில் தண்ணீரை விலைக்கு வாங்கும் நிலை ஏற்பட்டுள்ளதாகவும், விவசாயிகளின் வாழ்வாதாரத்தைப் பாதுகாக்க அரசு நடவடிக்கை எடுக்க வேண்டும் என்றும் முன்னாள் அமைச்ச
Trb raja


சென்னை, 21 நவம்பர் (ஹி.ச.)

டெல்டா மாவட்டங்களில் சம்பா பயிர்களைக் காப்பாற்ற விவசாயிகள் சொந்தப் பணத்தில் தண்ணீரை விலைக்கு வாங்கும் நிலை ஏற்பட்டுள்ளதாகவும், விவசாயிகளின் வாழ்வாதாரத்தைப் பாதுகாக்க அரசு நடவடிக்கை எடுக்க வேண்டும் என்றும் முன்னாள் அமைச்சர் டி.ஆர்.பி.ராஜா வலியுறுத்தியுள்ளார்.

இதுதொடர்பாக அவர் தனது எக்ஸ் பக்கத்தில் வெளியிட்டுள்ள பதிவில்,

தவெக ஆட்சியில் உயிருக்கும் பயிருக்கும் பாதுகாப்பு இல்லை என விமர்சித்துள்ளார்.

காவிரியில் 11 டிஎம்சி பற்றாக்குறை நீரைப் பெறுவதற்காக முறையான வாதங்களை முன்வைக்கத் திறனில்லாத தவெக அரசின் இரண்டு மனுக்களும் உச்சநீதிமன்றத்தில் தள்ளுபடி செய்யப்பட்டுள்ளதாகக் குறிப்பிட்டுள்ளார்.

மேட்டூர் அணையிலும் போதிய தண்ணீர் இல்லாததுடன், பருவமழையும் பெய்யாததால் டெல்டா மாவட்டங்களில் சம்பா பயிர்களைக் காப்பாற்ற விவசாயிகள் தங்களது சொந்தப் பணத்தில் தண்ணீரை விலைக்கு வாங்கும் அவலநிலை ஏற்பட்டுள்ளதாகத் தெரிவித்துள்ளார்.

மேலும், திமுக தலைவர் மு.க.ஸ்டாலின் வலியுறுத்தியபடி அனைத்துக் கட்சிக் கூட்டத்தை உடனடியாகக் கூட்ட வேண்டும் என்றும், சட்டமன்றத்தில் எதிர்க்கட்சித் தலைவர் உதயநிதி ஸ்டாலின் வலியுறுத்தியபடி வறட்சிப் பாதிப்புகளைக் கணக்கிட்டு விவசாயிகளுக்கு உரிய நிவாரணம் வழங்க வேண்டும் என்றும் கோரிக்கை விடுத்துள்ளார்.

விவசாயிகளுக்குத் தேவை வெற்று வாக்குறுதிகள் அல்ல; தண்ணீரும் வாழ்வாதாரப் பாதுகாப்பும்தான் என்றும் தனது எக்ஸ் பதிவில் டி.ஆர்.பி.ராஜா தெரிவித்துள்ளார்.

Hindusthan Samachar / VINOTH KUMAR P